135days

135日係咩概念 一個人嘅習慣淨係需要21日 135日半年又唔係 少又唔係 但係我同佢識得135日就夠 起碼冇更加多嘅傷口。
我哋係喺上年識嘅 上年我f1 佢f4不過佢留班（我都係後嚟先知 佢原本係同我啲friend先識嘅 不過每次見到我佢都會串我 嗰陣時真係勁唔鍾意佢 次次看我哋班飯 一係好大聲咁樣鬧我哋 一係叫我哋食快啲咪阻住佢放小息 不過其實我哋就算食得幾快佢都冇早放小息 嗰陣時成日講一句點解點解佢會有女朋友 佢嗰陣時嘅女朋友係好靚女嘅師姐 而佢嘅細佬我識 不過後嚟成日聽我啲friend講嗰陣時佢畀唔到安全感佢女朋友 所以佢哋成日嗌交 因為佢成日到處撩啲師妹傾計 我個friend就係其中之一 嗰陣時我個friend日日同佢傾計 不過後尾 聽其他人講我個friend嗰陣時可能鍾意過佢 不過我覺得冇咩可能。
佢都有玩籃球隊 我f1有個鍾意過嘅人 有同我提起過佢不過大多數都唔係咩好印象 全部都係佢淨係打波好廢 佢好串 佢真係好鍾意鬧人 所以我不外乎對佢嘅印象都係串
不過我有一次現場觀看過先發覺佢都冇話真係咁廢 反而大多數都啲細仔廢啲。
不過我點同佢熟嘅,待續。