破處·地獄: 【十二】

「咁…咁你呢？點解你俾人插完，又無死嘅？」志明問0仔。

「女人俾人破處先會死，我係男人俾人屌屎忽又點會有事呢？」

志明非常震驚，佢估唔到破處地獄嘅規則，竟然存在咁樣嘅漏洞。

「只不過你地如果唔同女人破處，咁咪以後都走唔到，要一直留喺地獄呢度？」志明問。

「對我地嚟講，呢度唔係地獄，係天堂！」1仔一號發表驚人嘅言論。





1仔二號接住講：「無錯啊！你睇我地當街當巷咁打野戰，完全無人理，不知幾過癮！」

「喺現實世界入面，因為我地無同女人做愛，無破到處，所以被送嚟破處地獄，結果無諗到喺呢度居然遇到唔少自己人，除咗我地三個之外，仲有其他同性戀者留喺度，慢慢大家已經形成咗一個小社群。」0仔向志明解釋。

「但呢度好危險架喎，變成女人嗰陣一個小心隨時都會俾人破處。」

「唔怕，我地同志之間係非常團結，大家會互相幫助，例如我地依家係男人，有需要嘅話我地會去保護變咗女人嘅同志，到我地變咗女人嗰陣佢地又會保護返我地。」1仔一號解釋。

「係呀，如果你有興趣轉gay，可以考慮加入我地。」1仔二號同志明講。





「唔使啦…我都係鍾意女人多啲...」

志明好肯定自己唔係gay佬，因為由細到大佢都係睇AV女優打飛機。

佢嘅夢中情人係河北彩花。

聽完對方三個人咁講，志明發覺天堂同地獄有時可能只係一線之差。

不過有另外一個問題佢唔係好明：「咁嗰啲飛刀插埋嚟，啲火燒埋嚟嗰陣，都好鬼難頂架喎，同埋呢度無嘢食點生存？」





「唔食嘢係無問題架，因為每次性別轉換，身體都會自動恢復體力同能量，同埋你講嗰啲飛刀啊、火焰啊，假如識得搵位走盞就無問題。」

「點樣搵位走盞？」志明問0仔。

「你望一望個天，你見唔見到個月亮有咩特別？」0仔指住天上面嘅月亮。

「特別大？特別圓？」

「唔係，你再望真啲，你睇唔睇到月亮中間浮現緊一個剪影出嚟？」

志明認真再睇清楚：「咦？好似有個牛嘅圖案喺中間？咁代表啲咩？」

「代表準備有牛出現。」

0仔呢頭講完，嗰頭地下就喺度震，並傳出咚咚咚劇烈嘅腳步聲。





大街上，忽然之間出現一群蠻牛喺度橫衝直撞。

嗰三個gay佬拿拿臨拉志明入巷仔度暫避。

呢一個係十八層地獄之中嘅「牛坑地獄」。

乒鈴嘭唥，街上嘅燈柱、欄杆、店鋪無一倖免，統統俾班蠻牛撞爛曬。

「你睇到啦，如果留意住個月亮，識得搵位避開，基本上就可以避免呢啲地獄嘅折磨。」

「哦~原來係咁~」志明得到咗好有用嘅資訊。

「不過如果你經過啲樹木嘅時候，就唔好行咁近，因為隨時可能觸發『鐵樹地獄』。」0仔提醒志明。





之後過咗大約一分鐘，嗰班蠻牛開始慢慢離開。

今次全靠有人指點，志明先避過一劫。

趁仲有啲時間，嗰三個gay佬想喺變女人之前再整多q。

而志明亦都無謂阻人扑嘢：「咁我唔阻住你地，走先啦。」

「好呀！咁我地都祝你快啲破處，早日離開呢度。」三人一邊纏綿，一邊揮手道別。

時間仲剩二十分鐘，志明真係要揸緊時間搵女破處。