破處·地獄: 【七】

志明睇見馬路對面有條行人隧道，佢知道入面有幾條分岔路，可以去到唔同嘅出口。

於是佢諗住利用入面嘅分岔路，分散肥仔同矮仔嘅注意力。

點知落到去，佢先發現自己諗漏咗一樣嘢，就係隧道入面無燈，而且月亮嘅光線照唔到入去，所以隧道入面黑媽媽，乜都睇唔到。

志明手頭上無任何照明工具，因此只能好小心咁摸黑前進。

平時呢條隧道好多人行，好熱鬧，不過喺破處地獄嘅世界就完全相反。





隧道中一片死寂，幾乎一啲聲音到無，再加上周圍黑媽媽，其實係好恐怖。

志明個心有啲驚，但又唔敢返轉頭。

過咗無幾耐，佢聽到隧道口有人喺度大嗌：

「靚女唔好匿埋啦，快啲出嚟啦！」

「係囉，你再唔出嚟，我地就入嚟隧道搵你架啦！」





兩個一肥一矮嘅色中餓鬼見隧道入面太黑，一時之間都唔敢行入去。

志明聽見呢兩把閪聲，就諗起頭先俾呢兩條友又揸波又舔腳又錫頸，真係嘔心兼反胃。

佢一步一步咁摸黑向前行，希望可以盡快搵到其他出口離開。

然而，破處地獄並唔係一個比人好過嘅地方。

就當佢接近行到其中一個出口嘅時候，突然間前面出現熊熊火光。





鋪天蓋地嘅火焰湧入嚟隧道，向住志明撲面而來。

無錯，係「湧」入嚟。

下一秒，志明成個人俾一片火海淹沒。

熾熱嘅地獄之火無情咁焚燒佢嘅身體，令佢發出極度痛苦嘅尖叫聲。

「啊！！！！！」

佢身上從頭到腳、每一吋皮膚都感受到灼熱嘅痛楚，高溫嘅熱浪更令人幾乎抖唔到氣。

呢一個就係「火焰地獄」。

大家或者聽講過「十八層地獄」。傳說人死咗之後，就會被送去十八層地獄受苦。





而每一層地獄其實代表住一種折磨。

而破處地獄就係十八層地獄嘅混合體。

剛才被萬刀所插係「刀山地獄」，家陣呢個係「火焰地獄」。

所以話，唔單止死人有地獄，處男都有好多地獄。