迷失在建興大廈的霓紅招牌之下: 序

序
下晝兩點十五分，旺角D3出口
「你真係要上去睇吓？」
「冇所謂呀，等師兄帶路」
「好，你等我食返支煙先」

由我喺兩個月前踏入依個世界嘅嗰一刻起，我就知道我已經冇得返轉頭。如果以2024年嘅標準，我諗我就係傳說中嘅巨魔種哥布林，或者人哋口中嘅大魔法師，喺香港依個男女極度唔平衡嘅世界，總有好似我依d 咁嘅人存在，我以前都係內心追求愛情，希望得到一段美好姻緣，結婚生仔，過住平凡而幸福嘅生活，然而，接連嘅打擊，經歷過一次又一次嘅失望，我最終徹底絕望，敗給了慾望，墮落至無盡黑暗，我已經無法得到救贖.......我已經無得返轉頭啦！！！！！！！！！！！！！！！！！！！！！

迷失在建興大廈的霓紅招牌之下
建興大廈係區內著名嘅紅燈區，喺香港，1樓1鳳依個行業是合法的。然而，當冇咗法律的約束之後，就只係剩低道德同自律，但係人心是不可靠的。



「一陣上到去，你跟住我尾，你見到寫住歡迎光臨，或者請按鐘嗰d就係ok，如果請稍候呀，冇牌個d就即係唔得。依度3-14樓全部都係，上層啲北姑/半陀就收500，下幾層啲越南泰國就400，鬼妹就收貴啲，起碼800。」

「師兄食過鬼妹未？」

「鬼妹太大份，唔係好啱我。」

「連師兄都覺得大份？」

我同阿明搭到上最頂，逐層逐層掃。一出電梯門轉右，詭異嘅紫紅色波波燈之下，係一個好簡單，但係我永遠都唔會得到嘅英文字，LOVE。


阿明停咗落嚟。

「師兄行先，依度好窄」，依個係所有香港人面對的終極問題，係依度亦如是。

依度間咗好多間細房，行到最入嗰間，「清純學生妹」「口技一流」「18歲卜卜脆」門口嘅label如是貼著。

叮噹！叮噹！房門慢慢打開，一個內地網紅樣的妙齡少女映入我倆眼前。

「哥哥你好，進來玩嗎？好服務喔！」
「幾錢？」


「五百」少女同時打住手勢說出
我拎一拎頭，房門徐即關上。

「嗱，我示範咗畀你睇啦，你睇啱你就入去，唔啱你就走。總之，你用你嘅身體語言話畀佢知，有時我會笑一笑，頭也不回就行咗去。同埋，你要識埋佢哋d手勢，比如4隻手指就係四百,5隻就五百，如此類推，佢地有d 唔識講我哋啲話。好似我上次去越南旅行個陣，有個男人雞頭嚟，都係咁打手勢」

「嘩！師兄成個專家咁啦，不如師兄寫返本圖鑑，好似嗰個咩向西村上春樹咁，我估應該會好多人睇」

我根本唔想成為依種專家，我喺我人生頭三十年從來冇諗過我竟然會變成咁，但係我有得揀咩？如果真係有神或者上帝，我諗佢一定唔係全知全能嗰嗰，至少佢從來冇救贖我！

「下層啦！依家仲早，佢哋冇咁早上鐘」

半個鐘後
「都睇咗一轉啦，你覺得點呀？」

「師兄，頭幾層d 質素有幾個都幾好，但係愈來愈差囉，下面個幾層，有幾個好老，有幾個東南亞嘅個樣，真係唔得呀！」



所以我咪同你講上層個d 大陸嘅會靚d,貴d,全部都係d小紅書小姐姐樣嘅，樓下東南亞個d,係平d，樣就自然麻麻，但偶有唔錯嘅，例如，對上我試過一個23歲泰國妹妹，佢聲稱仲係學生妹，college student 呀。好似你有錢咪食日本嘢，冇錢咪食大家樂囉！

師兄，同埋你上次同我講，唔係話好多麻甩佬係度，夾道歡迎咁款，但依家睇又唔係喎，同埋班男人全部都冇咩笑容，冇幫襯嘅

依家時間仲早，係咁㗎啦，至於你話冇咩笑容，男人嚟依度係尋開心嘅，至於係咪真係開心，我唔知道，至少我唔係，如果有得揀，我唔會走到依一步，至少我心裏面的空虛寂寞冇消失度，應該話我每次做完時，當個種短暫的快感一轉即逝，剩下的孤寂感更加顯然，因為我知道這只是對無能者的一種救贖，是安慰劑。

同埋，我覺得你好似帶左我去另一個世界咁，我好震撼，好似睇到香港的另一面，依個外表光鮮嘅城市，竟然存在黑暗嘅另一面，而且就係身處係日常平常不過的旺角，我好震撼，好大衝擊，我唔識講。

對，喺兩個月前，我也是感受到如此衝擊，伴隨住此起彼落的呻吟聲，仿佛我野獸的一面全部被喚醒，你們想聽聽這個引路人的故事嗎？
未完待續，下回分解