富家小姐的司機: 第四章 艱巨任務
"二小姐，有乜吩咐。"
"我而家俾個任務你，你好好地同我做好佢。"二小姐神神秘秘咁講。
“Period 嚟咗，你快啲同我買包 Tempon上嚟。”
我其實唔多明二小姐講乜，不過又怕俾佢話我死蠢，我用另一個方式問佢，希望唔好做錯：
“收到，Billy嚟咗，買包 Tempo 紙巾俾佢”
二小姐音量即時高八度咁講：
“How stupia you are, are you trying to make me feel embarrassed to speak Chinese to you? 我唔會架喎，好，anyway, 我用中文同你講，我大姨媽嚟咗，月經, you know it ? 公司啲同事走晒，你快啲死去買包棉條同包安睡褲俾我，記住，係棉條，唔係M巾，記得開單，唔係冇錢 claim，do it now.”
"下! 二小姐，唔好...玩...我...啦，加上我...都唔...識買，買錯...咗就唔...好啦。"我忽然唔知邊到嚟嘅勇氣同佢講。
"點到你話唔好呀，你係私人司機，唔係公司司機，處理顧主私人事務係工作範圍，合約寫到明。No worry, 你唔識嘛， 我而家 Whatsapp 幅圖畀你，你拎住幅圖去買就得，三歲都識，除非你真係死蠢。"
我聽完呢個任務，當堂手心標汗，面有難色，因為呢個任務真係好撚艱巨， 但係唔做又唔得。
叮咚，好快，我就收到由二小姐 Whatsapp 嘅兩張圖
我只好硬住頭皮，戰戰兢兢走去搵萬寧，屈臣氏搵下，好衰唔衰，平時都有一兩個男仔係舖入面，偏偏今次幾間舖都係啲妹妹仔，又唔好意思走入去問佢哋，行來行去，左搵右搵，去咗幾間藥房，見到係麻甩佬、男人，都走咗入去問，但係佢哋都話冇，好唔容易去到一間由阿伯睇舖嘅藥房，又係抱有一絲希望入去問，真係估唔到佢間嘢 up up dup dup，又有齊兩樣嘢。
"80 蚊"阿伯話
佢將兩包嘢放晒係櫃面，我就左搵右搵呢 80 蚊，其實我冇做工咁耐，身上都冇乜錢，成身啱啱好有 80 蚊，
"老細，唔該俾個袋。"
"膠袋一蚊個。"
"下，冇呀，你可唔可以送俾我呀? 好老尷喎。"
"屌那媽，法例規定要收呀，冇得送呀，點知你條友係未放蛇呀? 為你個一蚊膠袋罰幾千，咪玩啦。"
好衰唔衰呢個時候，又有幾個女人入嚟買嘢，係咁用奇異眼光望住我，有個17, 18 歲妹妹仔係到偷偷笑，有個肥婆仲大大聲講：
"我睬，你男人老狗好玩唔玩，玩埋啲變態嘢。"
我當堂面都紅晒，快快拎咗兩包嘢係手，走都走唔切，出到門口，仆街，唔記得拎收據，唉~ 算啦。真係又急又瘀，而家係放工時間，成街都係人，我當全世界人都透明，拎住兩包嘢係咁急急腳走返去搵二小姐。去到大廈lobby，因為我張職員卡未整好，入唔到閘機，要去客服部做訪客登記先上得去，所以只好將兩包嘢放係櫃檯上面，先可以有雙手拎身份證俾佢哋登記，兩個妹妹仔客服員當堂傻晒眼望住我，唉~ 仲要俾佢哋知道我全名，真係瘀到爆。
去到 office 門口，已經聽到個門 "撻" 一聲自動開門，我入到去成萬呎嘅 office，二小姐真係冇老點我，真係一個人都冇，相信已經放晒工，而二小姐就一個人係間房入面又睇文件又望電腦，二小姐冷冷地望一望我，
"叫你買少少野都咁耐，好彩第一日嚟啫，如果唔係，under 白色都變紅色。"
"對唔住呀，二小姐，因為四圍好多人呀，好迫。"我連聲道歉。
"我覺得你份人都幾多 excuse，為自己解釋呢樣，解釋嗰樣， 同我開咗包 tempon，拎一枝俾我，其他就放係梳化上面， 一陣連同嗰兩大袋嘢， 車一車我去四季， 你係到等等我， 為咗等開門俾你，急到爆都冇去 toilet ，點知你又唔知死咗去邊，你係到等等我。"
"知道。"
由於二小姐間房離 toilet 都幾遠下，佢都用咗成十分鍾先返， 但係一返嚟，塊面仲黑過之前， 我當堂又心感不妙。
-------------------------------------------------------------------------
唔滿足於平凡的男女情慾關係，大家可以透過 S&M 去滿足另類生活情趣，歡迎同好交流。smfever.com
[email protected] | Whatsapp : 66000486 | WeChat : hongkongmistress | TG : @hksmfever | X : @hksmfever