日越混血女孩Nanna的成長: 自我介紹

我叫簡婥藍，英文名Nanna Giản，2000年9月7號喺越南出世 。
係一名日越混血兒，媽媽係越南人，爸爸係日本人。
其實我都唔知叫唔叫佢爸爸好，因為佢喺我出世前已經飛咗番日本搵佢真正嘅老婆。
話說98年嗰陣，當時24歲嘅阿媽喺間日資嘅廠房做秘書，佢英文同日文都ok，所以負責跟個由日本派過嚟嘅管理層。然後都係上司搞秘書嗰味嘢，搞吓搞吓就搞咗我出嚟。
之後阿媽獨力湊大我，喺我5歲嗰時，佢喺一次工業博覽會中識咗一個搞玩具生意嘅香港男人-冠榮，佢都離咗婚，有個大我3歲嘅仔。兩人因著背景接近而一見如故咁，所以之後都有繼續contact對方。
冠榮因工作關係，經常過嚟越南，每次都有搵我阿媽，兩人慢慢發展出穩定關係。到2010年初，阿媽決定同冠榮結婚，並帶埋我一齊移居香港，一直住到今時今日。