情人節那一夜，我被車撞了: 而既然分開了 何必又想打擾？（中）

哈，不是我看到的那樣？還可以是怎樣？我比較相信自己所看到的。 

「哈，咁可以係點？」聽到她這樣說，我的語氣變得有點惡劣了。 

說真的我還真不相信可以有其他的理由去說服我自己。 

「都係無野喇…」她似乎不在意我的態度。 

一想起兩年前那一天我看到的情景，心底總會一陣的無名火起。 





「講啦，做咩唔講？係點架？」我語氣上步步進逼。 

看到她不知所措的樣子，我也意識到自己有點太激動。 

「講咩呀～我地聽唔聽得架？」 

是張明，呀敏，還有思河。 

「我…我都係走先喇，下次再黎探你…」家琪跟張明打了個招呼便離開了。 





「佢咪周家琪？點解會係度既？」 

「咁就要問你喇。」 

「問我？」 

「唔係你講佢點知我係度？」 

「又好似係喎。」 





「岩岩果個就係你以前既女朋友家琪？」說話的是思河。 

「嗯。」

「咁岩岩你講咩講到咁激動？」她一臉疑惑的望著我。 

「係囉人地好心黎探你喎。」張明又加了一句。 

「佢話兩年前既事，唔係我見到咁。」 

「的而且確唔係你見到咁。」 

「下？」 

「記唔記得當年既比賽？」 





兩年前的一場籃球５ＯＮ５比賽。 

我跟張明，還有同班的幾個同學一隊。 

我們都很喜歡打籃球，雖然不是籃球校隊，但技術嘛，算是不差，會一點點。 

「果陣有兩隊既人係籃球隊既，仆街浩果陣咪係學生會既？佢本來編左我地一開始就同全校最勁果一隊打，而其他既就實力好平均。佢想一開始我地就輸。」 

學校有一條不成文的規定，會把實力相若的隊伍編在一齊，一來比較公平，讓比賽不只是校隊的專利，二來比賽可看性和激烈程度也提高。 

「嗯，我記得，果陣我地仲走去質問佢做咩要咁做，但係後來唔係轉番喇咩？」 

「嗯，條件就係你女朋友家琪陪仆街浩過平安夜。」 





「下？」 

「果陣我地咪成班人做去搵呀浩既？佢一開始唔肯轉番既。其實佢根本就唔係因為我地質問佢佢先轉番，而係佢話要家琪平安夜果晚陪佢倒數佢先肯轉番隊伍名單。」 

「你講笑？咁既野你覺得我會信咩？你估而家拍劇咩？」 

如果張明所說的是真的，那麼我就是錯怪了自己的女朋友兩年？ 

其實從分手後我一直也有暗暗的看著家琪，發現她平時跟呀浩根本就沒有任何的接觸，我看的，真的不是事實嗎？