情人節那一夜，我被車撞了: 新朋友？

「妳…妳唔好喊啦？我諗唔係我可以控制到架話？」我嘗試出聲安慰她。 

她聽到我這樣說，停止了流淚，反而笑了起來。 

我不會白痴到以為自己的話起了什麼作用，大概是她找到什麼笑點了吧？ 

「哈，估唔到失左憶都係同之前無咩分別喎。」 

「下…？」 





「我叫陳思河，唔記得我唔緊要，我會令你記番起，記唔番都唔緊要，重新記住就得。」她伸出了手。 

望著面前笑得真摯的女生，我總覺得很有親切感，儘管她在我腦海中，還是很陌生。 

拿了一張紙巾給她擦掉淚水，我也伸出了手。 

她的手雖然有點冷，卻緊緊的握住了我的手。 

「我地係4年前識架，補習果陣呢，我仲問你拎左條繽紛樂架！」她嘗試喚起我的記憶。 





我一臉迷茫。 

「仲有呢，上年聖誕我失戀仲黎左搵你你記唔記得？果陣你安慰左我成晚，我地仲一齊倒數架！」 

「我真係唔記得…」我一臉的苦笑。 

「我記得…你話過我記性差，同你經歷過既野全部都唔記得，但係你會幫我記住…第時講番比我知…但係…」她說的很平靜，一臉的落寞。 

小姐，不是我想忘記的啊，我也不想撞車啊對不對？ 





不過聽她這樣說，看來以前的我是她的偉大軍隊的其中一員，也算是高等兵吧？不然我不會輕易說出這樣…感性的話？

可惜當下我對眼前的女生絲毫沒有愛情的感覺…我開始想找回自己失去的記憶了。 

「ＥＲ，不如講下妳既野比我知。」我嘗試轉個話題，打破先前的氣氛。 

跟她聊了一會，原來她跟我一樣是１９歲，讀大一，還同校呢。 

而且她住在我家附近，雙親都是上班族，呵～跟我還真挺像的啊，大概是因為這樣，我以前跟她常常來往吧？ 

「思河，黎左啊？」來人是我媽。 

「係啊姨姨，我尋日無黎到，今朝咪早Ｄ黎囉。」 

「其實妳唔洗日日都黎睇個衰仔啦～妳平時都咁多野要做。」 





「哈哈，唔緊要啊姨姨我得閒，允恆係因為我先至比車撞到，我係應該日日都要黎照顧番佢。」 

「哈哈今次個衰仔又做得幾岩，男仔幾時都應該保護女仔嘛～」 

「如果唔係佢，訓係度果個會係我…」 

「唔打緊喇，依家都無事喇」 

… 

喂，這兩人怎麼這麼熟的啊？ 

喂，好歹我也是妳的兒子啊！ 





「呀仔，第日要好好對人地思河喇知唔知呀？」 

什麼好好對人家啊？撞車的好像是我，還是因為救她才撞的啊，沒問她拿醫藥費那已經很大度了好不好？ 

「呀媽，我唔記得左佢…」對我媽說話最好的就是簡單直接。 

「唔緊要，唔記得遲ｄ會記得番，記唔番咪重新記過～」我媽一副老神在在的樣子，看向我的目光卻特怪。 

這什麼跟什麼嘛？ 

從此，我記憶中多了一個她，陳思河，一個『陌生』的陳思河。