情人節那一夜，我被車撞了: 陳思河？

「邊個係思河？」 

「下？思河喎，陳思河喎。」 

「無印象，你果陣時條女？」對，他換女朋友可換的真快。 

「你條女呀。」 

「下？真架？」 





「假架，佢係你以前補習識架喎，仲好熟，你唔記得左佢？」 

「係咩？點解我唔記得？」 

「咁家琪呢？周家琪呀記唔記得？」 

「點會唔記得，我第一個女朋友喎。果陣你同我都追佢最後居然比我贏左，哈哈。」 

「屌你咁都記得…呀浩呢咁？」 





「記得，佢ＮＴＲ過我又ＮＴＲ過你，最後你ＮＴＲ番佢三次。」 

「呀敏呢？」 

「你條女喎點會唔記得呀？」 

他望著我問：「即係，你只係唔記得左思河？你就係推開左佢先至比車撞。」 

原來我救的人是叫陳思河，到底是一個怎樣的女生？ 





他又問：「咁你記唔記得，呀光？」 

「邊個係呀光，邊套動漫個主角呀？」 

他想了一想。 

「嗯，我一早都話你鍾意思河架啦又唔認。」

「你講咩呀？」 

「無野，話唔定你會慢慢記得番，係呢，幾時出得院？」 

「要等Ｄ傷好番Ｄ起碼要多個幾兩個月。」 

「咁你咪成個月無得打Ｊ囉？好慘喎～」 





「講下陳思河係點既人。」 

「佢啊？樣令靚身材正囉。」 

「即係點？」 

「目測一米六幾，大波，有腳，長頭髮，病樣。」 

「我屌我唔係問你外表，我問你佢個人係點呀。」我鄙視這個以貌取人的低等人。 

「我都唔係好識形容，幾特別咁囉。」 

「你覺得你有講過野？」 





「哈，一陣佢黎探你你咪知囉。」 

那個陳思河會來？大概我可以問她當時的事了。 

「佢會黎？」 

「佢日日都黎架啦」 

「日日？」 

「我黎左幾次佢都係度，不過係今次姨姨話你醒左我先早左過黎，我諗思河應該唔知你醒左。等佢黎到就有驚喜喇，呵呵～」 

跟呀明有的沒的地你一言我一語，就這樣過了半個下午。 

陳思河，我在腦海中一次又一次的默念這個名字。 





到了晚上也沒有呀明所說的美女來到，只個朋友倒是有來，但是他們都是我記得的。 

為什麼我只忘了這個女生呢？還有，呀光又是誰？ 

我帶著疑問沉沉睡去，但願不會又睡上兩個星期吧。