情人節那一夜，我被車撞了: 前男友？

「呵，點解唔敢～」 

「………」她以無言作對抗。 

「咁依Ｄ野唔係我可以控制到家嘛。」 

「係喇係喇你咩都控制唔到喇。」她聽到我這樣說又笑了出來。 

「係呢依段時間有無發生呢咩事？」 





「下，無呀…」 

「無？」見到她臉色有異，我直視她。 

「無咩特別喎。」 

「哦…係咩？咁有無咩唔特別架？」 

「…佢番左黎。」 





「哦，邊個佢。」 

「光。」 

「咁又點？」 

老實說我一聽到就已經猜到了，思河一直念念不忘的那個男朋友回香港了。 

到底現在，我在她心目中，是不是已經變得更重要一點了呢？ 





我不知道，也不想去求證。 

「無。」 

「哈，佢咁快讀完書既～？妳點知佢番左黎架？」我嘗試令氣氛輕鬆半點。 

「佢搵我，同我道歉。」然而我失敗了。 

「哈哈…係咩，咁咪幾好，跟住呢？」剛剛有那麼一點甜蜜氣氛就隨著話題而消失了。 

「無跟住喇。」 

「佢無見妳靚女左咁多，向妳要求復合咩，哈哈。」人總是這樣的，不停地說著違心的話。 

「你好想咩？」她變臉可真快。 





「下…如果妳想既話…」 

「我好清楚我想要既係咩。」她打斷了我的話。 

我們相視一笑。 

但願這個前男友，不會是我跟她之間的阻礙。 

因為我知道，他沒有完全從她心中消失。