有人話我似神木麗: 第三章 - 掙扎

第三章 - 掙扎
經過無數個空虛夜晚，更加發覺自己對哥哥嘅感覺大爆發停唔到落嚟，但要接近拒人千里嘅哥哥又點樣打破佢嘅心防？忽然諗起好姊妹嘅說話，我既然已經知道佢嘅電腦世界，點解唔由呢方面著手呢！目前唯一線索就係先俾佢喺直播平台睇到「我」，如果知道佢對我有需索先再諗辦法。

但係點樣唔俾其他人睇蝕又係一大難題，搭地鐵俾男人望住無得走已經周身唔自然，何況要將身體曝光？諗到呢到已經起晒雞皮要雙手搓搓！但係直播呢個又係唯一可行辦法…

硬住頭皮喺平台開咗個新帳號名叫 Cindy，參考吓其他女仔用咩玩具同點運作。
「或者試吓好似啲女仔未除晒衫前咁樣先？」

--



大熱天時就算著住件單薄背心都會行到成身汗，終於喺一個商場搵到間無客嘅情趣用品舖，去廁所變裝戴個漁夫帽、大大個太陽眼鏡加埋口罩。

舖裏面得一個男人坐埋面櫃枱，入到去冷氣好勁凍到起晒雞皮，一邊慣性交叉手搓吓保暖，一邊從左右玻璃飾櫃揀選目標玩具後，故作鎮定雙手擺上面前手踭高度嘅櫃台順勢挨前，變聲吊高幾度 “唔該”，聽到背向櫃台嘅男人一吓拉鍊聲後轉向我 “係，有乜幫到妳？”，我分別指向兩邊後側講出想買嘅玩具，佢上身稍為跨過櫃台烏向我指嘅方向，唔知係咪變聲原故佢聽唔清楚，次次都要我重覆指向後面確定係邊一件好奇怪，好在佢好好人好肯教，俾完錢佢話 “妳買呢啲嘢同問嘅嘢，係咪打算做直播呀？妳叫咩名我搵齊人捧妳場” 遞起手機想攞聯絡，此時佢手機響起熟悉嘅天文台節目起樂 “燈燈櫈 櫈櫈櫈…” 我聽到即刻驚到唔記得用變聲講 “我唔知呀，sorry sorry” 急急腳拎埋袋玩具轉身離開。

走出門口定個神，「傻嘅，我而家咁嘅樣封到冚邊有人認得我」，更搞笑係以為人哋知我做邊間公司，每次諗返起都覺得好好笑。人就係咁鍾意自尋煩惱，傻笑過後似乎諗通咗啲嘢。

「唔講蝙蝠俠係邊個演，就咁睇唔通你會知係邊個咩」