Box!!: Round Role introduction

旭正言（男），中四B班16歲，本作第一主角，入拳擊隊嘅原本契機就係為咗減肥，因為佢只有173嘅身高入面居然有85 kg嘅體重，但係漸漸地，佢本人開始被拳擊吸引住，佢雖然學咩都好慢，但係骨子裏有一種永不放棄嘅精神喺度。

陳文高（男），中四A班16歲，本作第二主角，資優生讀書非常了得，可以話無論學習點乜嘢都係極速上手，係真正意義上嘅天才，喺學校喺萬人迷嘅存在180嘅身高，再加上65Kg嘅隱藏肌肉男身型，而佢加入拳擊隊嘅原因就係佢從細到大都非常崇拜Mike Tyson難得學校開咗拳擊隊，所以佢就嚟參加。

林志駿（男），拳擊導師28歲，俾學生稱為「智障sir(食字：志駿）」，三屆香港63.5 kg拳擊冠軍，被拳擊總會派去理堂中學做拳擊校隊教練，為人風趣幽默，可以輕鬆教學嘅時候就會盡量輕鬆，不過當學生就快比賽嘅時候就會化身魔鬼教練。

杜浩然（男），中三D班15歲，為人非常鍾意打架，係理堂中學有名嘅不良分子，為咗打架唔受譴責而加入拳擊校隊，但係佢又冇諗過拳擊會慢慢改變佢。

李汶靜（女），中四A班16歲，為人斯文，不如話佢有少少社交恐懼症？平時都相當安靜，音樂學會會長，非常鍾意音樂。非拳擊隊成員





杜嘉欣（女），中五C班17歲，杜浩然家姐，同細佬唔同非常善解人意，而且係絕對嘅E人，各方面領域嘅嘢都識少少，所以同所有人都可以起話題，係大姐姐般嘅存在，之所以加入拳擊隊嘅原因就係為咗睇實自己細佬。

鄭同學（男），理堂中學畢業生，1年前曾經喺衛理中學拳擊隊大放異彩，對師弟妹嚟講係傳奇般嘅存在，畢業之後就冇繼續打拳⋯

泰師兄（男），理堂中學畢業生，同鄭同學同期加入拳擊隊，校隊期間唯獨輸俾鄭同學，畢業之後間唔中會返嚟衛理中學幫忙教學。

（今次人物介紹係咁先啦，遲啲有追加角色嘅時候再補寫確保故事完整）