友愛的決擇: 第七章：何謂朋友？

其實有咩緊要得過你身邊有個了解你嘅朋友，朋友唔一定要好多，唔一定要認識長，唔一定要成日互相傾訴。

細心留意對方嘅性格，行為，分析佢嘅人格，一句野都可以唔洗講，往後嘅日子，憑對方嘅行為舉止，面部表情，你都會知佢諗緊咩

『好悶呀！』我入到阿謙間房

『你無功課要做咩，無書要溫？』

『陪我傾下計啦』





『你男朋友呢？』

『佢成日都唔理我，佢掛住同佢啲friend打機，你係咪忙緊呀，係嘅就唔阻你喇』

『無呀，我幫Kelvin佢地剪緊片咋嘛』

『唉...我發覺我有冇男朋友都無分別』我坐咗喺阿謙張床，一路攬住張被，一路dap低頭

『喂，乜你咁隨便坐上男仔張床架』阿謙整整下片sau一sau我





『有咩所謂喎，我依家好唔開心』我由坐低已經訓咗落去

『我諗你應該想結束依段關係，但又唔捨得，係咪？』

『知我者...』

『張子謙也.....佢唔理你，你咪都唔好理佢囉，平時禮拜六冇嘢做，你可以join我地，Michelle一個女仔，佢好悶架』

『我要跟你地玩！』即時彈返起身





我嘅一句話，改變咗我嘅生活咁濟，平時留係屋企做宅女多，依家放假多數都有街去，我阿媽不知幾開心，佢話有阿謙陪就放心。

朋友，的確可以為你生活增添色彩。

每個星期六，我地都會輪流去樂哥，Kelvin同Michelle 屋企，通常佢哋就會傾拍咩片好，我就會坐埋一邊，間唔中比啲意見佢哋

Michelle：『不如今次夾band拍唱歌片？』

阿謙：『OK 喎，Michelle你唱歌咁好聽』

樂哥：『咪搞我，我負責拍片』

Kelvin：『咁我同Michelle負責唱果part，阿謙彈結他』

我：『咁我呢？樂哥搶咗我個崗位來做呀！』





Michelle：『不如你負責彈琴？』

我：『下，上鏡我怕醜架...』

阿謙：『你點會怕醜喎，嘻嘻』

『哈哈.....』搞到個個都係到笑

Michelle：『咁唱咩好呢？』

我口快快講咗首歌名『不許你注定一人』點知個個都buy

到下個星期，我地去左Michelle屋企，我哋rehersal咗n次，NG咗n次，先有個good take。





自問苦練咗成個禮拜，應該彈得唔差，至於去到某一副歌詞，由於果幾句對我十分之感觸，所以我提議果part我想solo

（無錯，其實我真係唔怕醜）

  從來不相信一生一愛侶　從來不堪一對
 
  別再等　別再等　是你的聲音給方向感 wo oh～

阿謙：
入黎我間房

－－－－－－－－－ohh ok
『條片我出咗啦，你睇下，今日晏晝出，依家已經有40,328 人睇過』

『緊係啦，有我出馬嘛』





『懶叻啦你，不過，下面d留言的確好多都讚你唱歌好聽，彈琴又叻，想知你係邊個添』

『嘻嘻，等我睇過』

個女仔唱歌唔錯喎，乜唱得果幾句咁晒呀

咦，新成員呀？佢叫咩名呀？

好聽過原唱！

男神好型呀！

果個係阿謙女朋友？

支持Michelle！唔好比人搶走阿謙呀！

『um...佢地係咪誤會咗呢，我唔想比人話呀，快啲澄清啦！』

『算啦，我同Michelle澄清咗幾百萬次佢地都係咁架咋』

  我認得個女仔！佢出現過阿謙上幾條片嘅Vlog架！好似係去澳門果次
 
  無啦無啦，Michelle輸晒，人哋咁靚女，唱歌又好聽 

  第三者！

『死喇，我比人鬧』我用無辜嘅眼神望住阿謙

   阿謙：
   請尊重我地每一個人，唔容許作出侮辱！
   
   男神嬲啦，對唔住
  
   對唔住啊
   
   幫我地同個女仔講Sorry！

『男神嘅威力真大haha』我對住阿謙笑

『人地咁話你仲笑得出？』

『無事啦都』

－－－－－－－阿俊！睇下依條片，有我架
   
阿俊：
幾好呀，人地讚你喎，阿謙女朋友

－－－－－－－痴線，你唔係介意嘛

阿俊：
最緊要你清楚自己喺咩崗位，否則會影響我地嘅關係

－－－－－－－人講你又信

阿俊：
提醒你啫，近排我地的確關係疏落咗

－－－－－－－係你成日唔理我先，cal你又唔應，又唔覆， 我先唔再主動call你

阿俊：
ok，我知我有錯，不過我唔想你同佢地一齊咁多

－－－－－－－佢地係我好好嘅朋友，我有權識朋友，我嘅世界唔只得你

阿俊：
ok，sorry，我唔應該介懷

－－－－－－－嗯

無可否認，阿俊講嘅野的確令我好反感

－－－－－－－阿俊竟然信我同你有野，佢講嘅野令我好反感                          唉....點算

阿謙：
不過你同佢見面時的確會好開心

－－－－－－－無錯

阿謙：
但你值得真正嘅快樂

睇完阿謙依句，我嘅眼淚慢慢流下一滴又一滴