17歲的夏天，被開發的過程: 四、表白

「我返嚟喇！」
電話一響，我即刻飛撲拎嚟睇，我記得我嗰一刻真係叫咗出聲！
「終於 :( 」
「有冇掛住我？」

有！！！不過我冇如實話俾佢知，我唔肯定我係掛住同人日日同我傾偈，定係我真係掛住佢。

「唔知呢～」
點知我覆完呢句，佢就冇咗聲氣。係咪我講錯嘢呢？係咪我唔夠坦白，所以佢唔開心?



「櫈登！」「我想問你，你真係冇掛住我？」
「其實係有嘅…」唔知點解，我手都震埋……
「你想唔想同我一齊？」
「我唔知…我唔想冇咗個朋友…」
我好緊張，聽到自己心跳聲，而電腦就一直顯示「輸入中」。

隔咗五分鐘，終於都有新message。
「但係唔試過點知最後會點？我以前坐你後面，其實我好鍾意你，但就係冇同你講，我唔想今次都係咁。」

「咁我哋試下好冇？」