一覺瞓醒，你竟然同我講香港有喪屍2-雙龍: Zombie 08：混亂.

大門「咔嗒」一聲被打開了，然後就是一陣急速的腳步聲。
 
「佢好似走咗上天台。」羅悅佩用手機電筒照向大門說道。
 
停電的瞬間就可以聽到各家各戶焦躁與不安的呢喃，只是大家都意識到街上有著危險的組織遊蕩而不敢大聲叫囂。除了某部分仍然不相信有食人組織的人，他們會用盡力氣砸東西，用咆哮來表示自己的不滿外，還會走出屋外高聲叫罵。
 
大部分電影都有演過，這種時候大家更應該保持安靜，免得惹來殺生之禍，但就是有這種人，才讓大家知道自己並不孤單，只是大家都在躲避著而已。
 
大概十五分鐘後，所有的電燈和電器都重新運作起來。當眾人以為所有的電力都恢復了之際，寒天龍卻急步走回家。
 




「拉埋啲窗簾先，然後熄大燈，留返飯廳嗰盞。」
 
眾人不明所以，只感到有點不知所措，一時間反應不過來。寒天龍見沒有人行動，便自己獨自把燈開掉。
 
「佩佩，熄咗房盞燈，順便睇吓阿謙醒未。」
 
「佩佩？」胡炎陽感到有點疑惑，因為平常只會稱呼她為「阿佩。」
 
羅悅佩沒有回應，只是快步走進房間。
 




不一會，羅悅佩便帶同莫子謙走出來，可以看得出莫子謙頭上的傷還是有點影響到他的行動。
 
「阿謙，你點呀？仲有冇暈定邊度唔舒服？」胡炎陽連忙上前把他扶穩擔心問道。
 
「係個頭有啲痛，有少少暈噉……」
 
現在飯廳一共有七人，雖然人數有點多，但幸好唐樓的建築面積蠻大的，不至於很擠擁。
 
「我哋唔可以俾出面知道我哋仲有電可以用，所以大家盡量唔好開對窗嗰邊嘅燈。」寒天龍見大家都安靜地互相對望便繼續「我前幾個月買咗幾塊太陽能板，本身係俾我間房用嘅，所以冇可能支撐到成屋嘅電。」
 




「衰仔！可以慳電又唔整晒成間屋？」寒一鳴抱怨道。
 
「我都係用咗幾次，佢有時會跳電，過一排先有人嚟整。」
 
「有得用好過冇得用呀！」李小梅說。
 
七人就這樣坐在地板和椅子，沒有再說一句話，累了就各自找地方睡直到天亮。
 
第二天一早，大家梳洗過後便享受著一頓極為簡單的早餐——麵包和咖啡。
 
「因乜解究個電話打極都唔通嘅，唔知阿華佢點呢？」寒一鳴率先打破沉默。
 
「連網都上唔到喇！」羅悅佩拿著手機不斷弄著網路設定。
 
因為昨晚只是臨時接通電源，寒天龍便拿著工具箱準備走上天台「我上天台睇睇啲太陽能板，今日太陽好猛，應該可以叉到唔少電。」




 
胡炎陽和洪家星立即上前跟過去，隨後羅悅佩和李小梅也跟了過去。
 
天台左上方有一間小倉庫，倉庫的佈置就好像書房一樣。桌上有一台小型筆電，桌下擺放了一台全黑類似數據機的物體。這個裝置是用來控制某個儀器及太陽能板的設置，而太陽能板就安裝在倉庫頂部。
 
倉庫外並沒有什麼特別的東西，都是一些用不到的健身器材，盆栽以及一堆燒烤用具和幾張可摺疊的桌椅。
 
「嘩，原來呢度裝咗啲噉嘅嘢，勁呀！」洪家星讚嘆著。
 
趁著大伙欣賞著寒天龍設定程式，胡炎陽獨個兒走到圍牆邊俯瞰著街上的景況。
 
只是短短一個晚上的時間，街上已經變得相當混亂。一地的雜物和垃圾，還有就是不該出現一地的血痕，肌肉碎片以及一具又一具殘缺的屍骸。
 
當大伙從倉庫走出來時，看到胡炎陽呆在原地，好奇心之下就走近望向他眼睛所停留之處。這一看令他們跟著愣在原地，久久未能平服心情。
 




「所以食人係真㗎……」李小梅跌坐到地上，雙手抱膝，整個人顫抖得非常厲害。
 
「我仲有一年就畢業，我唔想咁快死呀，就算要死都死得自然啲吖！」洪家星後退了好幾步喃喃說道。
 
看到兩人的不穩狀態，胡炎陽突然走到寒天龍前面「阿龍，點解你會整個太陽能嘅？係唔係有咩原因？」
 
照常理，一般人不會在這個時間點問這樣的問題，但胡炎陽卻覺得總有個原因。
 
「呢個嘢唔平㗎，而且好食電，佢可以喺一定嘅距離之下透過衛星加強我個助聽器。」寒天龍從褲袋拿出一對像掛耳式藍芽耳機的儀器，把它戴到雙耳上，再用手機的程式調節著介面。
 
「咦，點解你平時唔用呀？你而家聽唔聽到我講嘢？」一旁的羅悅佩立即追問。
 
「……聽到少少，好細聲。」
 
胡炎陽附和「係囉，你平時就可以用，點解唔用呢？」




 
「佢有個特定音頻，我一直都整唔到，個技師要下個月先可以飛嚟香港幫我搞。」
 
「外國嘢？會唔會好貴？」胡炎陽被這個新科技吸引住，完全忘記剛剛看到的駭人景象。
 
「計埋太陽板大概七十幾萬……」
 
「你會唔會俾人呃？」羅悅佩擔憂問道。
 
「呢套嘢係美國醫學協會研究嘅新產品，就算永久性失聰或者天生冇聽覺都可以用到。」寒天龍解釋。
 
「你成Set嘢差唔多用晒你之前打拳啲獎金咁滯……」胡炎陽說。
 
「洗唔洗去搵啲嘢遮住個太陽能，廢事隔離大廈住高層啲人望到過嚟搶！我唔想冇燈用！」李小梅突然出現提議道。