穎怡. 宿命淫娃: 1.3 修心養性前既最後性愛之旅 - 第二日 - 兩男一女?
跳島之旅之後，返酒店既路程開始覺得ivan有d唔妥，不停用電話msg。我都冇問佢，照常同兩個馬來西亞仔吹水，我地交換左facebook (當年係用facebook的)，聽佢地介紹仲有咩景點可以去，原來今晚係佢地最後一晚，聽日佢地就走了。
返到酒店同馬來西亞仔分開，就再同ivan出去行下同準備食飯。我先問返佢有咩事咁靜，佢初初都係話冇事。但到食飯既時候，佢突然問我，介唔介意佢今晚自己book多間房，佢話同返女朋友講野，佢話自己係自己一個照黎呢個trip，驚女朋友今晚要facetime check佢，所以要搵多間房自己一個。
聽到呢到我都無話可說，好嬲但又無可奈何，我慶幸自己冇對佢放真感情，但都覺得自己好慘，係異地搞到咁樣，好似唔見得光既垃圾。不過其實都冇資格嬲，我又何嘗唔係扔低左阿land，自己過黎「偷食」。唉，心諗，都係正正經經同阿land拍拖，開開心心唔洗咁樣。唯有都故作平靜咁接受呢個安排。
食完飯我就冇陪ivan，佢自己返酒店處理，然後佢會返房執走自己d野去新房，我今晚返去就應該會自己一個了。雖然ivan話哄到佢女朋友訓就會過返黎搵我，但我都覺得無咩必要了。
根據甜故，係咪諗住我會撞到兩個馬來西亞仔? 無，因為係真人真事。我就咁自己行到累，去左按摩，食左香蕉煎餅，就返酒店，返去原本屬於別人的房間。
自己沖埋涼，係床上面玩電話，一面諗聽日點算，覺得既然人地女朋友返黎，我又唔係好想做第三者。可能讀者會鬧我，但一直以黎ivan都係同我講，佢地女朋友關係奇差，隨時分手咁，我先同佢玩下。心諗我又唔係痕到咁，聽日都係自己玩算，一路睇下聽下d行程，搵到篇遊記係facebook既，就link左去facebook。入到去先見到有一個叫king既人既frd request，望一望個樣，原來係今日個馬來西亞仔，再早d，有另一個miss左既request叫Jacky，果然就係佢地兩個。
秒速就接受左佢地，原來佢地鬥緊我會先accept佢地邊個，即刻覺得佢地好搞笑，問起佢地最後一晚有咩做，佢地就影左d酒同宵夜係房既相俾我，我就問佢地：「wow, can I join?」
懷住緊張既心情，換左件原本打算著黎同ivan落bar既黑色吊帶裙，deep v款，但下身唔算好短。上到佢一開門，佢地都wow一聲讚我好靚，佢地見到冇ivan都有問我，我話佢唔係我男朋友黎，佢地都識做冇再提佢。
一行入去，見到佢地塞晒d衫褲係窗邊，應該叫盡力「執好」左間房，避免係女仔面前失禮，果刻剩係覺得佢兩個都好可愛。如是者，佢地兩個一張床，我係另一張床，我地就一路飲酒一路吹水，咩都講。原來佢地本身都係好好朋友，又咁岩一齊失戀，所以就兩個一齊黎旅行，佢地仲有個打賭，睇下邊個可以係trip到識到女仔，仲要我即場係佢地中間揀一個。
乘住酒意同歡樂既氣氛，我起身坐左係床邊，面對佢地張床，我要佢地一左一右自己床，我要佢地合埋眼，我將佢地隻手，放上佢地對方個咀到鍚一啖，令佢地兩個都以為係我鍚左佢隻手一啖。好搞笑，大家都以為我揀左佢，但其實係兩個男人互咀手仔。及後我都真係每人鍚左佢地一啖，因為覺得佢地真係太可愛太nice。
隨住時間過去，我地甚至落樓再買更多既酒，終於飲到大家都開始wing。我講講下攤左係張床，感嘆講左句「好想瘋狂做…」突然啤酒汽一上，停一停，「做massage，哈哈」即係面都紅埋驚佢地誤會。好彩佢地都繼續保持風度，無抽我水。但竟然jacky話阿king係好叻按摩，我聽到都好雀躍，就擰轉身要佢表演一下…