讓我當你的籃板球女友好嗎？: 第十七章

在醫院渡過了苦悶的幾天，
 
雖說苦悶，還是有些驚喜。
 
有一個我意料之外的人也來了探望我。
 
 
「曦？」
 
「你幾好嗎？」她站在門口笑著問。




 
「都算死唔去既，哈哈。」我躺在床上說。
 
她從門口慢慢的走過來，腳步好像要從陌生漸漸適應回到熟悉的距離一樣。
 
「醫生有無話有咩後遺症？例如……失憶咁啊？」
 
「我又唔係撞車……」我微笑說：「只係有啲位骨折同瘀傷，無咩野。」
 
「痛唔痛？」




 
「痛啊，不過應該好快無事既。」
 
「咁就好啦。」她呼了一口氣，想起什麼似的，把手中的白色膠袋抬高說：「係啊，我帶著野食比你。」
 
「太好啦！妳知唔知醫院啲野食真係會食到人有自殺傾向，妳簡直係雪中送炭啊。」
 
「哈哈，誇張啦你。邊有你講到咁難食。」
 
「有架。」




 
我急不及待的打開碗蓋，她說：「係你最中意食既車仔麵，蘿蔔、牛腩同花菇粗麵。」
 
「多謝妳啊。」
 
雖然麵泡在湯裡久了一點，有點爛，卻還是很好味。
 
「係呢，木下呢？」她在我吃麵時候問。
 
「佢琴日黎左啦。」
 
「喔……佢今日唔黎探你？」
 
「我唔知啊。」
 




她沒有再說話，我吃著麵時不經意的問：「你今日咁好既，唔洗陪阿健咩？」
 
她愣了愣，沒有回答。
 
「……曦……？」
 
「吓？」
 
「妳唔洗陪佢咩？」
 
「嗯……嗯唔洗啊。」
 
「妳無野嗎？」
 
「無野啊。」




 
 
可是看她的反應，她這句無事實在沒有說服力。
 
不過她不想說，我也沒有追問下去。
 
因為感情問題每段關係也會出現，過一段時間就能解決的。
 
 
而過了幾天我終於能出院了！
 
幸好趕得上在聖誕節出院。
 
木下跟我約定好，大家互送一份聖誕禮物給對方。
 




「我唔要拎條絲帶綁住自己就話送自己比我既禮物架！」
 
「咦，好似唔錯啵妳呢個想法。不過我幾願意妳咁做。」
 
「哈哈，你就想。」
 
「我當然想。」
 
聖誕禮物，到底該送什麼？
 
這又讓我苦惱了幾天。