讓我當你的籃板球女友好嗎？: 第十一章

※※※※※※※※※※※※※※※※※※※
 
 
「佢地一年前搬走左啦喎。」
 
 
這句說話，在我離開那棟大廈後，仍不停的在腦海中出現。
 
 
走了？




 
 
妳去了哪裡？
 
 
現在的心情猶如斷了線的風箏，沒有底、不踏實的感覺。
 
 
因為想找的人，連唯一的線索也失去了的時候，這代表你在茫茫人海中，想要找到她的可能是極微。
 




 
我們不是說好了的嗎？
 
 
街上的人熙熙攘攘，來往不絕，一對母女從我的旁邊經過，
 
 
小女孩跳跳躍躍的拖著母親的手，歡愉的笑著。她回頭一瞥時，我發現她的笑容好像木下。
 
 




為什麼要不守約定？
 
 
我漫無目的地獨自走著，不知不覺到了海心公園，心裡被一種感覺牽著，就入去了。
 
下午時分，蒼藍淡暗的天空下，魚尾石竟然顯得有些悲哀淒涼。
 
「其實佢點解叫魚尾石既？」
 
「因為佢似一條魚尾。」我回答木下。
 
她左望右望，然後對我說：「我點睇都唔似喎。」
 
「唔係架。」我從後推著她的背走到某個位置說：「妳試下呢個位睇。」
 




「咦！係喎，咁樣睇就真係好似魚尾啊，哈哈！」她邊笑邊拍打我的手臂。
 
「好勁架舊石，亭嗰邊有聯題都係講緊呢舊石：『海心亭具西湖韻 魚尾石全此地靈』。」
 
「喔……邊個作架？」
 
「我點知。」我失笑的聳聳肩說，又道：「不過，傳聞話黎魚尾石許願既情侶，佢地就會有美好既姻緣。」
 
「喔……」她點點頭，若有所思的回望著這塊石頭。
 
「做咩？想拜？」我用戲弄的語氣問。
 
她卻仍望著石頭，很認真的回答：「嗯。」
 
「喔？」




 
「我講笑咋。哈哈」她回頭望著我笑說。
 
雖然她根本不像開玩笑。
 
夜晚的海心公園，四處都是人群，特別多年長的公公婆婆來到唱歌，

有的更自攜擴音器，而聽眾也不少，一班長者玩得興高采烈，

而他們唱的歌都是上一個年代的，所以聽起來我完全不懂，更莫論木下。
 
可是這卻不減木下的熱情，她興奮的走到人群中聽歌。
 
「妳知係咩歌咩？」
 




她笑著搖搖頭。
 
「妳聽得明咩？」
 
她又搖搖頭。
 
「咁妳過黎做咩？」
 
「你唔覺得佢地好可愛咩？」她望著一群老人家說，亮麗的眼睛裡流露著她的愛心。
 
我們之後到了海心亭裡坐著，它是公園仰延出海，在其上面起建的一座亭。因此腳下便是海和海浪拍打的聲音。
 
「你會唔會有人生好苦短既感兜。」她問。
 
望著漆黑無際的大海，人就容易想說這一類的話題。




 
「有啊。」我答。
 
「蘇軾同佢朋友曾經泛舟遊赤壁，本來好開心。」
 
木下說起故事來，惹得我更留神的去聽。
 
「因為風景靚到好似係仙景咁，佢地就開心到唱歌吹蕭啦，但無啦啦，佢朋友蕭聲太過哀怨，令到蘇軾忍唔住問佢咩事。」
 
「跟住呢？」
 
「個朋友就話覺得佢兩個就好似『寄蜉蝣於天地，渺滄海之一粟』咁渺小短暫，又好羨慕長江可以永無窮盡，覺得人生好苦短。」
 
我才發現，原來小衣唸起詩上來，是這麼好聲的。
 
「咁跟住點？」
 
「蘇軾答佢，如果由變既角度去睇，天地之間未曾有一刻唔係係度變緊，但如果由不變既角度去睇，宇宙萬物一切，包括你我，都係永恆，因為最後都會回歸返自然，萬物同歸永恆。」
 
「好似明又好似唔明咁。」
 
「哈哈。其實有好多時好多野都係到變緊，你同某個人既友誼，明明好好，但而家變成陌生人。同某個人曾經好相愛，但而家好嬲對方。或者你同我將來都會變左，但世上總有啲野無不變。」
 
「嗯？」
 
「無論你同我點變，我地既一齊既回憶係無人可以改變、係永恆……係咪？」
 
一起過的回憶，存在過便永恆，無人能搶走，也永遠不會變。