淫U日記: Pre-camp(1) 入學

   我叫玥玥，係xx大學嘅year 1學生，開學嘅時候，我join咗學校嘅攝影學會 ocamp，入咗白house。Pre camp嘅時候，我已經係咁俾人話似韓妹，有唔少異性接近我。而我對於男仔嘅flirty，往往會好巧妙咁樣避開個話題，久而久之我多咗個花名———「冰山」。

    喺house入面，另一個備受觸目嘅男仔係Jackson。佢個樣有啲似狐狸，雙眼皮，gel左頭，係典型嘅fuckboy樣。但只可以話佢係fuck得起，高大靚仔，皮膚白滑，目測都有米八二，膊頭又闊又橫，仲要識襯衫。外表Cool Cool地，唔係成日笑，但好識講嘢。

    第一日啲活動都普普通通，不外乎都係自我介紹，first impression，破冰遊戲：拍7, 發電機, bing bang哇等等，冇乜特別。

    返到hall，我啲roommate已經係咁討論ocamp啲仔。佢哋不斷喺度幫啲男仔評分，又炫耀咁話自己今日玩game嗰陣同咗邊個邊個拖手。喺對話入面，我不斷聽到Jackson呢個名，大家對佢嘅評價都好高。突然另一個女仔問我：「咁你呢？你對jackson咩感覺？」另外兩個室友都突然安靜咗咁望住我，我久違咁樣感受到敵意。

  「冇呀，普通男仔，但好fuckboy feel，扣分扣分」我講笑咁講。



  「又係，你咁靚，大把好仔追啦，Jackson呢啲曳嘅留比我地！」佢哋即刻開心咁笑返，繼續之前嘅談話。

  對於呢啲fuckboy類型嘅男神, 我都會主動避開, 避免成為萬千少女嘅公敵。但偏偏係呢個Jackson，令我之後嘅hall life「多姿多彩」......