(青梅竹馬)逆。時光: (110)

「因為信。你唔好睇皓天成日掛住玩，呆下呆下，成個大細路咁。但如果你真係了解佢，你會發現佢諗得比人多，比人深入。而且，你重會比佢依種無形的魅力所吸引住。」嘉欣說著說著，忍不住甜蜜地笑了出來。

「你......真係完全無懷疑過?」Shirley半信半疑地說。

「嘻嘻，如果我話真係完全無，會唔會好怪?不過依樣野反而困擾左我好耐。」

「困擾?」

「嗯，因此與其話係信任，反而係有d似對家人果種絕對信賴。」





「咁...唔係重好咩?」

當時的Shirley完全給嘉欣剛才的話語弄得一頭霧水，她自問也不是一個愚蠢的人，但仍是滿腦子有無數的問號浮現。

「唔...依樣野反而令我認唔清自己的位置。」

嘉欣說後，只是低頭無語。一向精於安慰他人的Shirley也不知道可以說些甚麼，也輪不到她說些甚麼，故只好雙手捉緊嘉欣的左手，默默地安慰著她。經過了十分鐘的沉默，嘉欣慢慢地起身，拍拍裙子，從躺著變為坐著。嘉欣抬頭，笑著問道:「係喎，你重未講你同系草師兄閃電拍拖，又離奇分手果筆野。」

素來觀人於微的Shirley雖看得出她是強顏歡笑，但她只好無奈地說:「其實呀Wood都追左我好耐，係我一直無應承佢姐。不過自從天仔係到我訓果晚後，我就答應左佢。」





這次，又輪到嘉欣一面不解地說:「唔太明你想講咩?」

「或者我有d野我有責任同你講，我扶醉左的天仔入房果時，我不斷聽到佢叫你個名。睇黎，佢真係連潛意識都有你的存在位置。」