(青梅竹馬)逆。時光: (99)

雖然現在時間尚早，但基於「吃花生」的心態，圍觀的人越來越多了，而且大多是嘉欣和Shirley的同學。至於我和Rico?當然是混在人群當中，看看Shirley如果應付這名癡情男。

「喂，皓天，依個女仔又靚又多人追，真係唔明點解佢會睇中你，而唔係我。」Rico撥了撥頭髮，自我沉醉於他的世界內。

「去死啦你。」雖然他真的是挺帥氣，而且有不少追求者，但我仍想問他，哪兒來的自信?

回到Shirley她們那邊，系草仍手拿一扎草，前腳跪在地上。再細心一看，我不禁大笑起來。他手上拿的竟然是菊花，真是腦有問題，今天是來拜山的嗎?拜託，做戲也要做全套，被Shirley飛也是活該。

「唔好咁啦，我地已經分左手啦。」Shirley閉上眼，輕輕地搖了搖頭。「唔好逼我，我地唔會再一齊架啦。」





「點解，點解呀，你至少比個理由我。」他開始有點激動，聲線亦漸漸變大。

「你走啦，我唔想搞大佢。」正所謂爛佬怕潑婦，「巴渣」的美雪終於發揮了她的作用，此話一出，相信系草應該都會收手。現在回想，原來牛佬也是抄襲美雪的。

「關你咩事呀。」

「係唔係真係要我講清楚你先肯你死心?你唔好逼我。」Shirley冷冷地道。

「好，你講丫。係唔係因此你重鍾意佢，所以先同我分手。你唔好以為我咩都唔知。」系草終於爆發了，你大聲地說著，而且用手指指向我和Rico的方向。此時，全場的目光落在我倆身上。





「呀?」