(青梅竹馬)逆。時光: (84)

剛剛步出香港文化中心，Shirley便緊扼雙手，露出狂熱的眼神，立馬分享看後感:「天仔呀，你岩岩有無留意到中段果part，個女主角咪好情深咁同男主角講左句話ge，真係講得太好啦。」

「係?我真係唔記得佢講左D咩喎。」

「Once in your lifetime, someone comes along whom you are absolutely meant to be with. Everything feels great, stars aligned body and spirit are in balance.」Shirley望著前方，以富有感情的聲線朗誦出來。

「等等先，咁長你都記到。」我驚訝地說。

「你理得我丫。」Shirley微笑道。





不知不覺間，我們再次回到海旁的位置，望著一片明澄的水面，我不期然問道:「係呢，你成日黎依到架?」

「嗯，因為印象中，爹地細個果時成日帶我同媽咪黎依到。久而久之，當我有煩惱,唔開心都會黎依頭。」我當時偷望了她一下，看到她眼眶掛著幾滴淚珠。

哭，不要緊，不過，可否把它們留在開心時才哭?

喜極而泣

「Sorry,我提埋d咁ge野。」





「唔，傻啦。喂天仔呀，你識唔識跳舞架?」Shirley回復一貫冷靜的態度。

「跳舞?我唔識依家野架喎。」我搖著頭說。

「咁......你想唔想睇我跳?」

「嘩，你學過跳舞架?」

「嗯，咁我地行過去露天廣場果到先啦。」Shirley說後，便拉著我朝前方進發。