(青梅竹馬)逆。時光: (66)

嘉欣看到我的表情後，生氣地拍打我的胸口。正當她帶著落寞的表情，準備轉身離開時，我拉著她說:「唉，係咪要呀，係就買啦。」嘉欣聽後先是呆了一下，然後搖頭道:「靚係靚，不過太貴啦，我地走啦。」

「平時你講咩我都聽你講，不過今次我點都唔會聽你講架啦，快D入去同我試，我送比你架。」「就當係慶祝我地相識二十年的印記。」我一臉認真地說。

嘉欣聽後只是低著頭，然後她只是向我點了點頭。我們進去後向店員要求試戴這對頸鏈。

「哈哈，你地真係好彩，岩岩好剩係得返一對，黎，試一試佢丫。」女店員笑著說後便為我倆各自繫上頸鏈。

「小姐，真係好襯你丫，你照鏡睇睇。」不知道是銷售技巧還是發自內心的讚美，但嘉欣聽後顯然覺得很開心。





「睇睇，嗯，唔錯，就要依對啦。」我對店員笑著說。

「多謝你，先生一共四百二十蚊，碌卡定比現金?」

「碌卡丫唔該，嗯?」正當我從銀包拿出信用卡時，嘉欣撞了一下我的手，然後對我說:「皓天呀，我一陣比返錢你丫。」

「豬，都話送比你囉。」

「但係...」嘉欣憂心忡忡地說。





「一係咁啦，一陣食飯你請我，當打和。」

「嗯，嘻嘻。」她終於笑了起來。

「哈哈，小姐，你男朋友真係好。」店員今次的笑容看得出是發自內心的。

我只是對店員笑了一笑，但嘉欣聽後雪白的臉頰突變脹紅，然後尷尬得別過了面，躲避我和店員的目光。

「歡迎下次再光臨，希望你地玩得開心D啦。」我真是對這位店員完全改觀，聽得我心裹暗爽。如果他是男的，真想上前和她即時結拜為兄弟。