(青梅竹馬)逆。時光: (52)

在朴正斌的帶領下，設於香港的分公司業務開始上了軌道。他本應因完成任務而打算向公司申請返回韓國，但他卻因一位女子，打消了這個念頭。 

某年初夏，兩人邂逅於海洋公園。在月老的安排下，兩位都是獨自到海洋公園參觀的遊人被職員安排於同一箱纜車。 

「Hello? Can you speak Cantonese?」搭往山頂機動遊戲區的路途苦悶，按捺不住的女生好奇地問。 

「Yea, why not. 其實我住左係香港已經幾年。」男子微笑著說。 

「哈哈，睇得出你唔係香港人，咁你係邊個國家黎架?」 





「我本係住係韓國，因工作的關係暫居係香港，一居就住左四年啦。」 

「嘩，我咁大個女都未接觸過外國人架。」女生像小孩般露出天真無邪的笑容。 

「係咩，你都係一個人?」 

「係呀，不如一陣一齊玩囉。」女生說罷便吐出舌頭，為剛才的失言而感到尷尬。 

「正有此意。」出乎所料，男生直接了當的答應了。 





於是，兩日一路上有說有笑，並一起玩所有的機動遊戲。此刻的正斌，好像完全放開了社會及身邊人為他帶來的束縛，真真正正解開了一直繫於身上的跏鎖。面具，亦因這位女生而放下，做回一直埋藏於心底裹的他。快樂的時光轉眼飛逝，已經到了樂園關閉的時間。於是該名女生匆匆地向他道別，感謝男生為她帶來一個愉快的下午。 

「走啦，多謝你呀韓國人。」女生笑著道。 

「喂，你叫咩名呀。」 

「呀，傾左咁耐我都未介紹自己，我叫張瑪莉，好開心識到你，拜拜啦。」轉眼間，女生已消失於正斌的視線間，而且於他往後的日子裹，再也沒有出現過。 

「真係大頭蝦。」正斌笑著說。