(青梅竹馬)逆。時光: (26)

如果當時我有上高登，一定會即時開POST問問巴打們的意見。
「(求救)朋友被狗公煩住 我應該點做」

可惜當時小弟並未有上高登的習慣，又沒有甚麼的老死幫忙，故只好自我沉思，嘗試進入福爾摩斯的思考領域。

衝去伏佢?我又怕唔夠佢打。
當住佢面扮同嘉欣示愛?我又唔夠膽。
同佢講數?但我把口又唔叻。
定係做襟兄弟算數?等等先，我係到諗緊D咩呀。



正當我一籌莫展之際，電話突然響起。~能回到當天 重頭愛一天 愛大概~

「喂。」我拿起$1700底板的手機，按下接收鍵。

「喂皓天，做緊咩呀。」是嘉欣的來電。

「無呀，上網聽歌囉。」

「係丫，我岩岩沖完涼，臨訓前諗住打黎問下你聽日個計劃準備成點姐。」



「計劃?哦，哈哈，你唔係驚我未諗到丫麻，聽日交比我啦，包個狗公師兄唔會再黎煩你。」事到如今，只好強作鎮定，先哄騙一下嘉欣。

「嘩，你真係諗好曬架?太好啦。重有呀，唔好叫人狗公咁衰啦。」看來嘉欣並沒有生疑，我應該為他對我的完全信任而感到高興，還是為她的單純而感到擔心。唉，只好見步行步了。

「呀...都夜架啦，你都早D訓啦...」心虛時說的每一句話總是膽戰心驚的。

「嗯，早抖啦，聽日等你啦。」

「嗯，早抖。」好消息係我明天不用上課，但壞消息係我重未諗到完美的作戰方法。古語有云「橋唔怕舊 最緊要受」老土點也不管了，只好用扮男朋友這個必殺絕招吧。



狗公，請接招