「愛情+穿越系列」第二次奇蹟: Day1：另一個世界
1
老豆又去咗賭錢呀 真係搞唔掂 仲要連累到我 而家嘅我靠自力更新 真係好無癮...人哋有個幸福嘅家庭 我就係個破碎家庭中長大
見到一個咁嘅老豆 我決定離開呢個家 為左避債.....
喺街上漫無目的咁行下行下
喺大馬路上 有個不明來電打咗個電話
「喂...喂....喂.....」
我喂咗好多聲 都無反應 到底係玩電話我唔知道 但好快我就掛咗線
「嘟.........」
啲一刻我喺度諗個電話係咪喺度整蠱我
就係下一秒 我啱啱起行人馬路上 有個私家車好似突然失咗控 踩上石壆 撞歪欄桿之後 撞到我 嗰一下我真係反應唔到 畀佢撞到正一正
「行開呀....」其實私家車嘅司機係度大嗌 我都聽唔到
馬路嘅左邊 其實係一個好斜嘅斜坡 有啲石壆爛住 架車撞到石壆之後就停咗喺度 而我慢慢失去知覺 嗰一刻我喺度諗 我應該會死㗎喇
咁大嘅衝擊力...
估唔到一場意外我就奪命橫生 之後嘅嘢我大概都唔知道
定係會再有奇蹟出現呢？
..….............
如果咁樣都死唔去 我覺得先係一種奇蹟 因為我真係好無辜 點解偏偏要揀我 我仲有好多嘢要做㗎 雖然有個咁屋企我支撐唔到 但係又未至於尋死 而家連改天都想我死呀 唉....
而家嘅時間我一直昏迷過去
第一個死亡嘅時間
係晚上七點 我接到一個電話之後 就畀一架私家車失控意外撞到
警察最後查返 原來個私家車車主因為飲左酒 但係佢身上就冇咩異樣 最後就判佢酒後駕駛 判咗十年
雖然我仲有一絲嘅希望我覺得我自己潛意識仲會醒返
喺醫院入面 醫生都同我檢查過 我受到好大個撞擊 腦部受創 暫時仲未死得住 情況仍然都係危殆 醒返嘅情況可以話係好渺茫
就係咁我瞓咗一場好漫長嘅覺
我一直起呢個夢境嘅世界裏面 感覺就好似去咗天堂一樣 但其實個場景完全唔係人間極樂嘅世界 因為嗰度冇孤魂野鬼 冇閻羅王 係一個好真實嘅虛構世界
前面一片白濛濛 我一路走一路摸索新奇嘅事物 突然有個人走埋嚟 佢係一個女仔
一個好熟悉嘅面孔
佢稱自己為 Shirley
「Shirley？」
死火啦咁鬼熟嘅 好似喺邊度聽過呢個名 係咪識得佢呢？
我繼續望望佢嘅樣 發覺到原來佢係我之前暗戀嘅對象 但因為已經有好幾年 所以我而家對佢都冇咩印象
暗戀佢嘅時候喺中一嗰陣 我應該個dap哂糖 但係佢又好高傲唔想畀我識 嗰陣時嘅樣好清純好靚女 因為我嘅膚淺所以鍾意咗佢 但係冇諗過去街嘅樣依然冇變 一樣咁靚女
「Shirley 我仲記得你呀...」
「你最近幾好呀嘛？」佢滿面笑容歡迎我
就好似兩個人 或者佢有另一面而我又唔知
「話時話我想知道呢度喺邊度呀？ 我到底會唔會死咗喺呢度㗎？」
我對呢一切都唔係好理解
「呢層.... 我都解釋唔到呀 不過你見到我 我同你都係一種緣份 係咪...？」Shirley道
唔單止係緣份 可以話係奇蹟..
咁即係話我要一直留喺呢度直到永遠 雖然喺度遇到Shirley 但係都唔係好開心 我心裏面都冇一種暗戀嘅感覺 而家嘅我只可以同佢做好朋友 但我應該感到榮幸
「又係喎....點解你又會喺度嘅？」呢個世界竟然出現咗Shirley 令我好驚訝
「因為呢度係我出世嘅地方 所以我點都會喺度嘅 不過講開又講你可以嚟我屋企飲杯茶先啦 我屋企仔附近」Shirley道
我地慢慢走出一片白茫嘅景象 終於來到一個好真實嘅迷幻世界
「呢個世界你哋會點叫佢呀？」我問道
「乜嘢呢個世界呀 呢度叫港香呀 」Shirley道
咁搞笑嘅 同香港經調轉咗 但係呢度同香港唔多箱近喎 係有啲似紐約嘅感覺 如果你同我講係紐約我就會信囉
Shirley帶咗我去佢嘅屋企 佢屋企就係我哋嘅前方冇幾遠 外牆係一個好細嘅房 唔係嗰啲高樓大廈 比較似美國式鄉村嘅農舍咁樣 不過佢有兩層 外面就比較樸素 簡單嘅粉紅色 亦都冇用七彩嘅顏色佢裝橫 但係某某然喺街望上去會覺得好怪
我入去發覺眼前一亮 裏面竟然好闊落 難以想像 佢一個人住都可以咁寫意...
「嘩...出面睇你間屋就好細 原來入面都幾闊幾大㗎喎..你係唔係一個人住呀？」我問道
裏面同外面一樣都係咁樸素一樣係咁單調 同我之前了解嘅Shirley差唔多 原來嚟到呢個世界佢都唔鍾意顏色咁鮮豔
「你喺呢邊坐低呀...我去沖杯茶畀你飲」
佢嘅廚房係一個開放式 畀我睇到佢喺廚房煮嘢食嘅過程 我即刻就會幻想Shirley係一個煮嘢食好叻嘅人 搞到我呢一刻好想試下佢煮嘅嘢食 不過我唔知有冇呢一個榮幸呢？
但係呢一切都係好真實...
佢示意我起客廳嘅其中一個單人梳化上坐低 感覺好似軟綿綿咁 有種離唔開嘅感覺
佢沖出嚟嘅茶 完全飲唔知係咩黎 但點都會有少少茶香嘅味 感覺好精神 有一種家嘅感覺
「呢種茶都幾好飲喎 我可唔可以知道係咩茶嚟呀？」我問道
「呢一種花茶出面冇得買嘅 完全係我一個人特製 所以我唔會同你講呢一個係咩茶 我要等你心思思 嘻....」
聽佢咁樣講起上嚟真係好奇怪 但係佢唔想答我亦都無謂去追問
最估唔到嘅係 客廳竟然會擺放電視
即係話呢個世界我有電視台 沒有其他人生存嘅空間....
佢知我望住部電視機嘅
「我可唔可以開個電視睇下」我問
如果可以知道呢個世界有咩新聞都好嘅 或者有咩得意嘢 我對呢個世界開始有啲好奇
「唔...」
Shirley一粒聲都冇出 感覺有啲唔對路
「咁如果冇嘢嘅話我返出去先啦 我都係唔打攪你喇 好多謝你沖嘅呢杯茶 真係好好飲呀...」
但Shirley竟然冇攔住我
我依然大模廝樣走出去間屋
我原本想慢慢嘅離開等佢追出嚟 但係我諗一諗下 其實我同佢咩關係？之前連朋友都唔係 而家竟然咁啱遇到 定係一種巧合？？
我知道我要一直落去呢個世界 絕大一個好漫長嘅時間 既然我離開唔到呢個世界我只好喺呢度生存到底
而家嘅我 又冇需要還債 因為爸爸媽媽都唔喺度 只有我一個人 仲有啱啱撞到嘅Shirley 所以我唔會為咗債而煩惱 呢個我好開心嘅
現實中嘅我係媽媽死咗之後 老豆就接受唔到阿媽死嘅呢個事實 所以這的賭錢 賭曬成個屋企嘅錢 甚至連我未來結婚用嘅錢都輸光曬 結果老豆逃之夭夭 唔知去咗邊一度 追債嘅搵唔到老豆就淨係搵到我 每日都過住追債嘅樣 真心真係好辛苦 但係冇辦法 我住嘅係公屋唔係咩私人豪宅 所以我先至出嚟 但係我又唔知可以搬到去邊 我又無咩朋友可以借宿 繼續被逼過住咁忍受唔到嘅日子
出道去之後 我發覺到一件非常重要嘅事情 我仲未有呢度嘅貨幣 到底冇錢嘅我點樣喺呢度生存？
我一直走一直走一直走 漫無目的咁走
走到一個非常高嘅大廈門口 見到招牌竟然係地產公司 意想唔到呢度竟然會有地產公司...
就係咁經過連入面嘅人都出嚟招呼我
「hello...係咪想睇房呢 呢度有好多選擇㗎 a區唔啱問b區囉b區唔啱咪c區囉 或者可以入去慢慢睇 可以睇到啱為止架 又或者等我慢慢講解畀你聽」
我都係你望下啫 地產經紀非常友善 竟然仲咁好服務 我而家又冇錢
「我都係睇下先呀 我啱啱初嚟報到呢個世界 我冇錢係身上呀 唔好意思」我覺得有啲尷尬 買唔到樓走去睇樓
「吓...錢係咩嚟㗎？ 唔怕同你講 呢度唔需要用任何代價就可以得到一個地產 只要你諗就得㗎喇 ...」
呢個世界真係好奇怪喎 我真係諗唔明點解呢個世界會有啲咁荒唐嘅事 竟然唔使用到錢 仲唔大開眼界？
「你講真㗎？ 真係唔使用錢？ 真係唔使付出任何代價就去拎到一個地產？」
佢哋呢 就唔係叫一間屋或者一棟樓 而係叫一個地產 聽落都估估怪怪
「呢度嘅樓唔係用一層一層咁計嘅 一棟一棟咁計嘅 你見到嗰啲高樓大廈其實 成棟都係地下嚟嘅 咁你應該都係一個人住㗎啦 冇可能揀一間幾十層嘅高樓大廈㗎嘛 你應該會想揀嘅係一啲兩三層色嘅複式房屋...」地產經紀指住窗口嘅廣告同介紹咗某啲複式屋
如果係咁嘅話 咁Shirley應該都係咁樣免費去拎一個地產 但係冇諗到呢度更容易有一間自己嘅dream House
前所未見嘅就喺我眼前 當然間房同Shirley有啲唔同 我喜歡耀眼嘅 望上去比較令人羨慕同奢侈 令其他人停低落嚟都想有影相嘅感覺 裏面嘅色彩我都係比較鍾意豪華一啲 如果係現實 係一個遙不可及嘅夢 仲要返好大舊錢去裝修 令到成件事煥然一亮 但呢度竟然可以一一免費
從此之後我嘅落腳地點就喺呢度 呢度就係我嘅dream House
所謂嘅大街57號接近轉角嘅位置
呢一刻我又諗過呢個世界非常幸福 唔捨得離開呢度呀
「呢個細路真係天真 以為呢個世界真係有免費午餐...？ 其實佢死咗㗎喇...好快就會落去地獄 而家只不過都係畀啲甜頭你 畀啲假希望你 畀少少幸福嘅感覺 梗係信以為真 到時候你就會慘過而家一百萬倍...」
呢個人係牆角望住我
但我冇察覺到佢嘅存在 因為我已經得意忘形到一個境界
完全冇發覺到危險嘅存在 仲樂在其中...