時空判官：夢別離 (粵) - 一個夢令我擁有創/滅世能力: 七 (上)

「嘩！咩嚟㗎？咩嚟㗎？」辛在客廳大叫，把月琦吵醒

「我諗係魚缸！」亞超猶豫的回答

「魚缸？咁大？」辛驚訝問

「咩事？」月琦半睡半醒的，拿著橙色扭蛋出來

「呢個呀！」亞超指著電視，正播放一段關係水族館的廣告





「哦！水族館。」

「水族館？咩嚟？」辛問

「係大型虐魚現場。係一班鍾意囚禁魚嘅人會去嘅地方。」

「好似有啲變態。」亞超愕然

「都唔係嘅，幾靚㗎！」





「去！我要去！」辛搖晃著籠子

「好，反正咁耐冇去過。」

「吓？但我唔係……」未等亞超說完，月琦就放下扭蛋拿衣服去

「咦？又多一粒？差一粒咋！」亞超高興的道

「係，最後一日喇！我地出去行下搵搵。」





月琦換好衣服，梳洗後便出門。三人很快到達水族館，亞超亞二人如孩子般看得蹦蹦跳跳的，甚為興奮。他們的行動令月琦回想自己的小時候也跟他們一樣，與某人一起興奮大叫，但她不記得那人是誰了。來到最後一地點，他們來到一個大魚缸前，亞超二人驚嘆得目瞪口呆，月琦在旁偷笑。

「佢做咩呀？」有人大聲尖叫，要來的終歸要來

「叫佢落返嚟啦！好危險㗎！」另一人又大叫，上面的位置應該是可以看到大魚缸的餐廳，月琦抬一看，不禁被眼前的影像嚇呆，坐在邊沿位置的那人正正是她一直忘記了童年玩伴──她的姐姐。

姐姐一跳而下，在場的人也尖叫起來。身後的魚缸同時突然爆裂把在場所有人浸沒，月琦想遊去救她的姐姐，但左腳被藤蔓纏著，視線被魚群遮擋，姐姐消失得無影無蹤。意識到自己根本救不了姐姐，月琦放鬆四肢，全由水流浮動。

如果說之前的朋友是隨時間流逝，因不刻意記得而遺忘，那姐姐就是月琦刻意忘記的存在。月琦因自己封閉而沒有理會過已被情所傷的姐姐，最後導致這個局面，讓她內疚不堪。對於姐姐的事，月琦除了後悔，就只有內疚。一想到這裡，月琦覺得自己淹死也沒問題，因她是該死的。

說時遲那時快，腳下的遠處出現一個龐大的黑影游近，不需看清，她也估到那大概是一條鯊魚。在尋死的念頭下，她放鬆身體，閉上眼睛，等待死神的來臨。

「月琦！我嚟救你！」亞超快速游近，拉走了月琦，衝往缺口，離開水域。隨著他們跳出水面，水內的鯊魚跟著一起跳出，離開水的一剎那變成了綠色扭蛋，亞超立即接著

「搞掂！夠數！」亞超高抬扭蛋，並拉著月琦離開





月琦低下頭，彎下腰如行屍般走動。細看亞超的衣著似乎是一件從未見過的潛水衣。走了兩步，亞超的衣服變回紅裙。她們走到附近公園，辛的籠子正在那裡的一張長椅上。

「其實你地唔使救我，我該死。」月琦坐下後說

「點解突然咁講？」亞超驚訝問

「我……因為我唔理我家姐先死！」月琦哭道

「吓？發生咩事？」亞超問

「我個陣因為家姐仲細，疏忽照顧嫲嫲，俾爸媽鬧。明明唔關我家姐事，明明唔關我家姐事，點解我唔關心佢？如果個陣我肯做啲嘢，就唔會變成咁，就唔會變成咁！」月琦自責道

「咁……你當時都唔想㗎？你都處理唔到咁多嘢！」亞超嘗試安慰





「但係……但係……」月琦哭道

「你諗真啲，佢地全部都係……」亞超又想說出全部家人也是假的話，被辛打斷了

「煩死！你咪由佢死囉！你咁想死而家唔去死？仲可以成個時空迎陪葬，你話幾抵？」

「喂！你點可以咁講嘢？」亞超搖晃著籠子

「咩呀！佢搵齊先話想死！要死早啲講啦！」辛指責道