時空判官：夢別離 (粵) - 一個夢令我擁有創/滅世能力: 三(上)

醒來時，月琦首先看到的是她家的天花板，然後就是在她左手邊的倉鼠籠，籠內的老鼠兩手抓著籠大叫著：「放我走！」

「唔想接受現實！」月琦心想

「早！」亞超穿著月琦的睡衣和用她的杯喝茶：「早餐？」

「唔使！講我聽究竟發生咩事！」月琦坐起來，全身腰酸背痛的讓她很不舒服

「你暈咗。」亞超坐在床邊的椅子上





「我知！」

「你將我困住咗！」那老鼠大叫

「我都知！以你嘅聰明才智，應該比老鼠聰明掛！點解唔自己打開籠逃走呢？」

「唔得！做唔到，你失控下給予嘅現實，佢改變唔到。」亞超插嘴

「咩意思？」月琦不理解亞超的意思





「你尋日命令佢『你變成一隻被困係倉鼠籠嘅老鼠啦！』，命令嘅力量過於強大，佢唔可以違抗屬於你嘅時空裡面你嘅命令。」亞超看似在解釋，但月琦完全不明白。亞超嘆口氣，再解釋：「我係從另一個時空過來，你可以想像我係被強制嚟呢個時空旅行，因為每當一個異變時空出現，其他時空嘅我地呢啲人就會有可能被扯過嚟。」

「異變時空？你地呢啲人？」亞超的說明愈來愈超現實，讓月琦更不理解

「唔使急！異變時空係因為某啲原因令呢個時空發生問題，就好似……好似呢個時空病咗，而且係大病。佢唔確定自己應唔應該了結自己生命，所以製造你去決定。」亞超說明

「就好似判官一樣？」

「時空判官？幾好聽，係我時空，我稱為『時空之子』。」亞超道





「係我時空叫『神』。」老鼠插話

「自大！」亞超指著老鼠道

「你幼稚！反正冇人知，只有我地自稱。」老鼠大叫

「啱喇！我仲未知你呢個神高姓大名！」亞超問

「神嘅名唔係人人可以叫！」老鼠拒絕回答

「咁就叫老鼠啦！」亞超說

「我叫辛！我叫辛！」老鼠大叫，似乎不太希望被稱為老鼠





「好喇！返去主題好嘛？點解選中我？或選中我地？」月琦被告知這些難以接受的事，她就要發瘋了

「唔係選。喺佢變異前，你冇存在過，係呢個時空製造你出嚟。」亞超嘗試糾正，但沒有令月琦更了解現況

「唔可能！我有父母喺度……」

「一切記憶都係用嚟合理化你嘅存在，所有都係。」亞超用堅定的眼神道，這種態度讓月琦有點害怕

「我唔信！我唔爭論這點，所以我要做咩？你尋日講啲咩控制力量，咩考驗？」

「你會得到創世嘅力量。」亞超以認真的語氣說

「或者滅世嘅！」辛用開玩笑般的語氣道，讓月琦有點疑惑

「你可以喺呢個世界製造一切想製造嘅，毀滅一切想毀滅嘅。但當然會伴隨一啲代價啦！始終呢個世界冇咁著數嘅事。」亞超嘗試進一步解釋





「甚至生命？」

「係，你只要改一改呢個世界規則就可以，前題係你通過考驗。」辛放棄搖籠子坐下來了，他的樣子還滿可愛的

「究竟係咩考驗？」

「唔知道，我地每人都唔一樣，一開始大家都唔知道，要自己摸索。」亞超搖頭道

「既然都創造了我，點解唔直接俾我力量？」

「你只係個突發且隨機嘅特變因素，似一個新嘅『抗體』，又似初生嬰兒，唔知道點控制自己嘅力量，所以要通過考驗。通唔過考驗，你嘅世界會自我毀滅。」亞超放下杯子，拿起桌上的香蕉來