First Fantasy 純文字發洩之作 (New: 31 - 26/7): 第二十二話 - 地下校花 （首登 20240703）
第二十二話 - 地下校花 （首登 20240703）
Victoria 抱住一個啱啱救咗自己嘅陌生男痛哭，不斷𢳆陌生男，但係陌生男都係一啲反應都無。
Victoria 淨係可以緊緊咁攬住陌生男，成個人喊到麻木咗，直到手機突然響咗一下，叫醒咗Victoria。
Victoria 攞起手機一睇，原來係Queenie 佢哋仲喺WhatsApp group 度傾緊，於是Victoria 突入求救。
Victoria：help
Queenie佢哋本來準備聽Olivia 學姐繼續講佢啱啱對有關「二幻七女」傳說嘅發現，但見Victoria 突然講嘢，於是又同佢say hi先。不過，佢哋見Victoria 打咗個單字「help」，就即刻問佢發生咩事。再之後就係Victoria send過嚟嘅一張相。
Victoria：佢暈咗。
Queenie望咗張相一陣：邊個？
Victoria：唔知，佢比人打暈咗。
Peggy ：吓？
Olivia：咁快啲送佢去醫院啦！
Victoria 而家先如夢初醒，抹下眼淚：係係。
大家都估事態嚴重，唔敢亂問多餘嘅資料，畀Victoria 快啲可以報警。呢個時候，只有 Charlotte 夠膽講嘢，因為只有佢認識呢個陌生男。
Charlotte當然一眼就認出陌生男就係阿森，但由於佢同阿森之間發生咗性騷擾呢件咁尷尬嘅事，所以Charlotte 又唔想突然喺Queenie 佢哋面前交代佢同阿森之間嘅關係，於是就講到好模糊：佢 … 佢好似係一幻嘅學生。
Victoria：吓？你識佢？
Charlotte：唔，好似見過下佢囉，你喺邊啊？不如你去一幻搵人幫手，起碼去到醫院有人可能可以通知佢屋企人。
Victoria：哦哦，我喺一幻附近啫。
Queenie：你再通知我哋啦，我去醫院搵你。
Peggy：我都去。
Olivia：你哋小心啊。
Charlotte諗：阿森畀人打？點解㗎？
Victoria先將陌生男放到一邊，好彩佢而家同一幻好近，於是佢馬上跑到一幻，搵到一幻嘅老師幫手，幫忙報警送陌生男去醫院之餘，亦確認到陌生男原來叫阿森。
阿森馬上就被送入急症室，再轉入深切治療部。
瞓喺床上嘅阿森家姐Maggie，啱啱同阿豪開心玩，仲係半裸咁合埋雙眼，挨住阿豪，回味緊興奮過後嘅餘韻，而阿豪已經攰到瞓著咗。（第九集）
突然，Maggie 嘅手機好罕有咁響起，一睇，係陌生嘅電話，不過一陣不祥嘅預感，令Maggie放棄咗享受啱啱做完愛嘅餘韻都要接聽呢個電話。
來電當然就係學校通知Maggie阿森送咗去第一幻想醫院。Maggie 被嚇到成個人彈咗起身，然後就摷醒阿豪，又急急腳咁著返衫。
阿豪唔知發生咩事，仲喺朦朧間一手揸住Maggie 嗰右噼：唔好走啦，唔好走啦….
Maggie：喂啊，學校打嚟話細佬入咗醫院啊，我要去睇下啊。
豪：吓？
Maggie：你都起身啦，阿媽返㗎喇，你同我一齊去啦。
豪：哦。
醫院裡面，Victoria 獨自一人喺走廊等待。
Victoria：阿森…原來你叫阿森，多謝你救咗我，你唔好有事啊。
諗到呢度Victoria 又喊起嚟。呢個時候，一對男女嚟到Victoria 面前，對Victoria 講：係你送阿森入院㗎？
Victoria：係啊，你係？
Maggie：我係阿森嘅家姐，發生咩事啊？
呢個時候，Queenie 、Peggy 同 Charlotte 都嚟到。六人好快咁互相交代身份，然後就聽Victoria 講返成件事。
雖然話就話Victoria 講返成件事，不過有兩點由於喺呢個時候講嘅話都會令大家太過尷尬，所以無講得好清楚。第一，就係阿輝𡁻完Peggy 鬆嘅事。第二，Charlotte 亦無講出自己同阿森之間嘅性騷擾事件。
Maggie 聽完之後，基本上已經認定Victoria 就係向學校告阿森性騷擾嘅女同學，而打阿森嗰個，應該就係阿森講嘅另一個鍾意嗰個女仔嘅男同學，兩人為Victoria打交。不過令Maggie 諗唔明嘅係，Victoria 著嘅係第二幻想中學嘅校服。
另外，Queenie 、Peggy 唔知道阿森打阿輝係因為Charlotte ，所以反而認為阿森係見義勇為救咗Victoria 嘅好男人。
Queenie問Victoria：等陣先，佢救你？你識佢咩？
Victoria ：我唔知啊。
Queenie本來問咗一個好關鍵嘅問題，不過咁嘅語氣，Maggie 就誤會係因為性騷擾嘅事令Victoria 已經嬲到當自己唔識阿森呢個同學。
Charlotte就有另一種解讀，諗：吓？阿森唔識Victoria ？咁唔通阿森打阿輝係同我有關？
呢個時候，全場唯一男，阿豪，啱啱同Maggie 開心完就突入呢件事。雖然阿森係Maggie 細佬，都算自己人，固然擔心佢嘅情況，不過眼前突然出現四個學生妹，除咗出現連環嘅性幻想之外，當然又覺得作為男人，應該要出句聲幫助下事情。正當阿豪想出聲嘅時候，醫生出嚟。
醫生：病人暫時過咗危險期，但仲係昏迷，不過情況穩定嘅，應該仲會昏迷一段時間，屋企人唔洗過份緊張，每日嚟睇下佢，畀啲支持佢就得㗎啦。
護士：屋企人過嚟辦入院手續啦。
Queenie ：仆你個街，又係阿輝！我要𨳒爆你！
Queenie 作勢好似想衝去邊搵阿輝算帳。
Peggy就即刻拉住Queenie，喊住咁講：唔好去啊，係…係我連累咗Victoria …仲連累咗Charlotte 嘅朋友 …佢係無辜㗎…等我去啦！
Charlotte：…
Victoria ：…
辦完入完手續嘅Maggie 同阿豪返返嚟。
豪：你哋想去邊啊？搵嗰個人報仇啊？打佢？打死佢？
Queenie ：…
Peggy：…
豪：你哋報咗警未？
Victoria ：我…同學校講阿森喺街度暈咗。
豪：咁即係無報警啦。
Maggie同阿豪講：咁我哋報警啦。
Queenie：等陣！
Queenie叫停咗Maggie，因為佢知道Victoria有出過手打阿輝，如果報警，事情唔一定對Victoria 同阿森有利。
Queenie：Victoria …
Peggy：…
Victoria : …
Maggie：做咩啊？阿森畀人打喎啦，加埋Victoria，你好好打㗎咩？警察識做嘢㗎啦！
Queenie對Maggie講：其實…Victoria係拳擊隊隊長，如果報警，警方嘅理解可能會對Victoria不利。
Maggie：咁…咁點啊？唔報啊？我廢事理你哋班細路女！阿豪，報警！
豪：…
Queenie：等陣！
Maggie聽到Queenie 再三阻撓報警，開始仇視Queenie，準備開火。
Victoria：Queenie！
Queenie同Maggie 都畀Victoria 叫停咗。
Victoria飲泣：阿森係救我先會咁嘅…我…我保護唔到佢…我保護唔到佢…佢醒唔返嘅話…佢醒唔返嘅話，我仲係拳擊隊隊長有咩用啊！
Victoria 終於大喊咗出嚟，Queenie、Peggy 同Charlotte即刻上前攬住Victoria，大家都忍唔住一齊喊咗出嚟。
Victoria ：阿森家姐，請你報警啦。
Maggie本來準備要同Queenie 開火，但眼前突然出然一幕中學生嘅浪漫，任呢四個女仔點幼稚都好，都令Maggie 突然回憶起自己嘅中學時光。
Maggie：Victoria，警係要報嘅，不過，會無事嘅，你係保護自己先出手。
Victoria：唔 …
之後，阿豪就同Maggie 向警方為阿森嘅事正式報警。Maggie 攞咗四個女仔嘅contact，再同Victoria 一齊同警察落咗份口供，就叫四個女仔暫時離開。
翌日朝早，理應係阿森嘅屋企人嚟睇阿森，如果唔係，都應該係Victoria 獨自嚟到，點知今日最早嚟睇阿森嘅唔係佢哋，而係一直對阿輝打阿森嘅事大惑不解嘅Charlotte。
Charlotte嚟到阿森嘅床邊。
Charlotte：阿森，係咪因為嗰日我借你過橋，所以阿輝打你啊？你唔會隨便打阿輝㗎？係咪啊？
Charlotte 望住靜止唔郁嘅阿森。
Charlotte：其實我覺得你幾好㗎…我…唔想告你㗎…我…我其實可以㗎…
Charlotte後悔自己因為同阿森喺天台嘅一件小事，而演變成而家嘅局面，對住昏迷嘅阿森，終於喊咗出嚟。
呢個時候，一把怪聲從Charlotte嘅背後傳咗出嚟：你…做咩喊嘅？
Charlotte嚇咗一跳，停止咗哭泣：吓！
難少：有人爭你喎，仲為你打交添，唔係應該開心咩？Sue都無人為佢打過交㗎。
Charlotte ：痴線㗎你！而家仲講呢啲嘢！
難少：而家唔講，幾時講啊？
Charlotte：白痴！死開啦！
難少唔理Charlotte 嘅說話，遞出咗一部手機，講：你睇。
Charlotte一睇，手機入面嘅竟然係自己嘅相，仲要係喺學校嘅一張近乎走光嘅低炒相，而且係一個instagram account 嘅post。
Charlotte ：喂！
難少：唔好嬲住先，你再睇清楚。
Charlotte再睇，發現呢個instagram account 係直接叫 @charlotte_firstfantasyschool ，而且全部都係自己喺學校嘅性感校服生活相，就連個樣都清楚見到，無遮無掩。不過，最重要嘅係，呢個account已經有1.1K followers。
Charlotte ：你係跟蹤狂！痴漢！
難少：哈哈，點啊？幾張相咋喎，就1.1K人注意你喇。
Charlotte ：咁又點啊！全部都係鹹濕佬！
難少：咁你平時著咁性感返學，唔係都係想人睇你咩？
Charlotte ：…
難少：嗱，聽日就係星期一，你聽日返學，就會成為第一幻想中學嘅新校花。
Charlotte：…
難少：哦，係地下校花先啱，因為老師係唔會承認你嘅，不過，我check咗…呢1.1K followers入面，有五個係我哋學校嘅男老師，有兩個而家仲教緊你㗎，你知邊兩個㗎啦。
Charlotte：…
難少：所以，聽日開始，你就會取代Sue，成為全校最受人關注嘅女學生，聽見都興奮呢？
Charlotte：….
難少：聽日…隨時會有人問你，呢個係咪你…到時你記得答…「係」喎。
Charlotte：…
難少：…只要你聽日開始，肯同人講，呢個account係你嘅，呢個account … 我咪送畀你囉。
Charlotte ：…
難少：…咁亦代表，我哋正式合作。
Charlotte：咩合作啊！
難少：哈哈，followers係無用嘅…但係followers會畀錢睇你呢，咁就有用喇。
Charlotte ：原來你要錢！
難少：我要錢，你要名，我哋唔係最佳拍檔咩？你夠膽咁著，都要有人睇先得㗎。
難少搖咗一搖部手機，又講：我幫你攪掂咗喇。聽日啦，我等你表示。
難少講完，準備離開，點知反而係Charlotte 叫停咗難少。
Charlotte ：呢個就係你所講，「二幻七女」嘅事？
難少：「二幻七女」始終都係局限喺第二幻想中學入面，咁係因為幾十年前無網絡啫，你唔同，你識玩，你可以玩得勁過二幻七女。
Charlotte：咁…二幻七女…除咗錢，真係可以叫到男人幫佢哋做嘢？
難少：哦？咁心急嘅？你想幾high都得㗎。
Charlotte望住瞓喺病床上面，完全昏迷嘅阿森，講：我意思係…佢哋真係有殺死當年嘅「行為怪異嘅校舍監督」？
難少：哦？有做功課喎。
Charlotte ：….
難少：…咁學校老師都係你followers喇，咁你識玩嘅話，你話點…咪點囉。
Charlotte ：….
難少：唔，心急嘅女仔我麻麻地，我鍾意聽到你聽日自己承認個account 係你。你心急嘅話…
難少突然靠近Charlotte壓低聲線咁講：阿森而家昏迷，你可以摸下佢㗎，咮…
之後，難少就離開咗病房。
第二十二話 - 地下校花 （首登 20240703）- 完
Instagram: @morironin