［重口味］SEX x FAMILY: 第十二回 兩個人的晚餐
第十二回 兩個人的晚餐
作為一家之主，志文一個男人要孭起頭家一D都唔易，雖然個個都話佢係富二代有父蔭。
其實屋企嘅事佢自己最清楚，現在擁有嘅嘢全部都係佢自己一手一腳打拼返嚟，完全冇靠過老豆幫手，所以一向都係以事業為重。
香港做生意好難，人工，租金，生產成本樣樣升，加埋中美貿易戰，成日比人左右夾攻。
今日志文喺香港office啱啱同客開完會，結果並無預期咁理想。
擔心緊之後公司發展方向要點行，所以lunch time一個人坐係房入面冇出去食飯。
當佢埋頭苦幹睇緊財務報表時，忽然有人敲房門。
志文可能太專心完全冇為意，結果房門推開，一位女性行入嚟。呢個女人化咗一個濃妝打扮好成熟，留住一頭長曲髮，著住一套深紅色套裝裙，本身已經高仲要踩住三吋銀色高踭鞋。扭下扭下咁行過去志文度。佢手上攞住一個膠袋慢慢放係枱面。
志文抬頭一睇然後話：「愉悅？妳冇出去食飯咩？」
「老闆都唔食，我地呢啲薯仔邊夠膽食呀。」咁啱呢個女人個名同自己個女一樣都係單字一個悅字，佢有一把好磁性嘅聲音，令人聽落好舒服。
不過志文無乜心情，於是又再耷低頭邊做野邊講：「妳去食飯啦，我唔肚餓。」
講係咁講，身體先係最誠實，呢頭講完嗰頭個肚發出咕咕聲。間房咁靜，顯得啲聲變得好大。
志文有少少尷尬咁抬起頭望一望愉悅，兩個人對望一眼然後忍唔住笑。於是放低手上面嘅文件話：「睇嚟我想唔食都唔得。」
愉悅喺膠袋入面攞咗兩個飯盒出嚟，然後打開話：「你最鍾意食嘅燒肉油雞飯。」
志文見到盒飯就好似貓見到魚一樣咁興奮。
「 正喎，好耐冇食過。」
愉悅都打開個飯盒，見到係叉燒飯。
志文話：「睇嚟妳都好掛住以前係大陸廠嘅日子。」
愉悅笑笑口話：「嗰時啲燒味邊有現在咁好食，你記唔記得我哋趕完貨之後成日去食宵夜，嗰時我肥過而家幾個碼。」
志文一邊食住燒肉一邊話：「梗係記得啦，嗰段日子雖然辛苦不過好開心。」
愉悅問：「 你現在唔開心咩？」
食食吓志文停晒手望住愉悅 ，二人對望無言。
愉悅伸出佢雪白嘅手，正當佢想摸住志文時，房間大門突然打開。
一個全頭白髮嘅男人攞住拐杖一拐一拐咁行入嚟，
二人見到佢好似見鬼一樣即刻企起身，志文開聲叫：「阿爸，做乜事今日你會過嚟？」
原來呢位老人家就係志文嘅老豆。程天生。
佢十多年前已經退下火線將間公司交比個仔打理。
程天生話：「間公司我嘅，我鍾意幾時返嚟就幾時返。」
雖然已經一把年紀但係依然有一層無形氣場，令到兩個人唔夠膽出聲。
程天生眼神一轉望向愉悅，佢慢慢行過去然後話：「估唔到妳重喺度。」
愉悅冇回應，佢立即轉身行出房間。睇嚟佢兩個有唔少牙齒印。
處理咗成日公司野終於收工，揸住部賓利返西貢，一路上個心忐忑不安，係因為今日見到阿爸？定係因為佢見到愉悅嘅反應？
放工返到屋企，見到程悅一個人坐係大廳到，攞住部手機不停同人吹水。
志文放底手上嘅野問：「媽咪同你阿哥呢？」
程悅望住手機喺度微微嘴笑，睇嚟同人傾得好開心所以冇應個老豆。
志文除鞋行入屋望住佢，正想問多次佢兩個係邊，呢個時候門鐘響起。
佢一邊鬆開領帶一邊行過去大門口。門一打開見到一個印巴藉人士企喺度，手上攞住兩大袋外賣用唔咸唔淡嘅廣東話講：「熊貓外賣。」
志文轉身想問係唔係叫咗外賣，點知程悅已經好快手企係佢後面一手接過D外賣，仲比咗廿蚊小費 比個印巴。
志文再問：「你阿媽未返咩？」
程悅攞住D外賣行過餐枱放低，一邊打開個紙袋一邊講：「阿媽話約咗人食飯今晚叫我地食自己。」
「咁妳阿哥？」
「佢都約咗人呀。」
志文喺度諗，好似冇聽過敏儀話約咗人，不過多數都係佢嗰班女性朋友。
志文望住啲外賣問：「咁你有冇叫埋我份呀？」
估唔到程悅大聲講：「冇呀。」
志文聽到好愕然：「吓！！」
之後程悅笑笑口搭住老豆膊頭講：「講笑啫，點會冇你份呀。」
志文見到個女，好似忘記晒所有煩惱一樣，佢拍咗個女個頭一下話：「算你啦。」
兩父女感情真係幾好，志文望一望手錶都差唔多時間就同程悅講：「食飯啦，今晚我同妳撐枱腳。」
另一邊有人同樣好關心時間。
敏儀好緊張咁係地鐵入面望住手錶，但係今日地鐵好唔生性，行下停下，比平日用多好多時間。
望住錶好心急，今日約咗A先生喺九龍站一間餐廳見面，A先生同敏兒講呢間餐廳唔係太多人比較靜方便傾計，而且附近有戲院食完飯可以去睇戲。
作為一個老師，守時係第一戒條，知道自己會遲到於是send msg比A先生。
MＥ：「唔好意思，我會遲小小到。」
Ａ先生：「唔緊要，不如我叫定野食先，我驚唔夠時間食，因為一陣要睇戲。」
MＥ：「你話事啦。」
Ａ先生：「ｏｋ。」
已經好耐未試過咁緊張，第一次同老公以外嘅男人約會。
敏儀諗到底A先生個樣係點？睇身形又唔差，平日同佢溝通對答覺得佢都好斯文，佢話自己仲讀緊書似係讀緊大學。而且。。。佢條賓周又長又粗，一陣睇戲黑麻麻佢會唔會手多多？一時間腦入面好多畫面，諗到面都紅埋。
架車終於去到九龍站，地鐵門一開敏儀九秒九衝出車外，
唔知係唔係是日不宜約會。當佢一出月台見到壞電梯，望去升降機見好多人等緊，
敏儀望一望錶已經遲到，冇法只好硬住頭皮行上去。
可能係太耐冇著裙同高踭鞋嘅關係，行得都有啲狼狽，不過都唔理得咁多。
跑到氣喘終於去到餐廳門，企喺度喘住氣問：「唔該。。。。。。。book咗位八點鐘。。兩位。」之後講咗個電話比侍應知。
侍應望一望個booking list話：「已經到咗，請過嚟呢邊。」
當侍應想帶佢入去時敏儀叫佢停一停，因為要頭順條氣，
深呼吸幾下然後向侍應點點頭表示可以，兩個人慢慢行入餐廳，差唔多去到窗邊，侍應指一指話:「最出嗰張枱就係。」
敏儀望過去見到一個短頭髮著住粉紅色卹衫嘅男人，付近無其他人呢個應該係佢。
一邊行一邊好緊張手心出曬汗，真係好耐未試過有呢種心跳感覺。
見到有塊鏡企定定照一照鏡，整理一下自己啲頭髮拉一拉條裙，再吸一口大氣然後慢慢行過去。
去到餐枱面前見到Ａ先生攞起個menu睇嚟冇留意自己已經到咗。
於是敏儀靜靜雞拉開張凳坐低，見到Ａ先生畀個menu遮住塊面睇唔到個樣。
不過睇佢個外形同佢平時send過嚟啲相片差唔多。
望望下忽然覺得佢身上面一件粉紅色卹衫好似有啲熟口熟面。
諗諗下個仔都好似有一件差唔多嘅，而且外形同個仔都有幾份相似。
不過現在啲男仔都好鍾意著呢啲咁鮮豔嘅卹衫。
Ａ先生完全冇留意到敏儀坐低咗，敏儀終於開口同佢講嘢：「點呀，今晚食乜呀？」
Ａ先生知道敏儀到咗即刻放低個menu抬頭一望，呢個時候啱啱好侍應行過嚟企喺敏儀身邊問：「呢位小姐需唔需要叫啲嘢飲？」
但係侍應只係見到敏儀張開口冇反應，侍應再望一望坐喺對面個男人同樣將開口冇反應。
兩個人完全處於靜止狀態。侍應企咗喺度足足成分鐘，見佢兩個古古怪怪於是行開。
到底敏儀見到邊個？點解Ａ先生又咁大反應？唔通佢兩個識嘅？
~未完待續~