是咁的，捉到老師痛腳，今日我開始收錢幫人做功課!

是咁的，話說小弟呢排比人CUT零用錢，仲要比校長記左幾次過，本來心情就唔係點舒暢㗎嘞。點Q知個老女人班主任仲係咁比功課，真係燒佢數寶個大閘蟹。

原本平時都唔鳩睬佢直接去網吧打機算，但諗返起銀包既錢已經所剩無幾，打完鋪機連合味道都無錢買，而我又係良好一等公民，犯法既野更加唔會去做。既然係咁，我可以點做呢？

就係我沉澱住我既思緒既時候，上天就比左個千載難逢既機會比我。個個咁既老虔婆行出校門既時候比我撞到佢甩左棚假牙，仲比我見到佢神色慌張拿拿林執起擺返落口，我心諗你都有今日啦，條路平時好多狗係度屙屎㗎，今鋪你仲唔係食屎？

我緊係即刻大聲指住佢泥笑，佢見到我好似見鬼一樣，即刻走過泥捉住我去後巷一角，同我講:「我警告你，你千祈唔好講出去！」

我當堂就得啖笑，同佢講:「依家邊個莊邊個閒你都未分得清？」





佢成返面激到紅哂:「咁你想點？」

我摸摸下巴，度過諗過。唔~呢個未嘗唔係一個賺錢既好方法喎......

第二日朝早我好早就返左學校，一返到泥個堆運動狒狒就行埋泥同我講:「喂宅男，幫我哋做埋啲功課佢。」

我暗笑，冷冷道出一句:「幫你做都得，收錢架喎。」

平時班狒狒食開免費餐，突然之間同佢講收錢緊係唔會SHOW你。只係大笑一句:「哇，識做生意喎依家，下次先比你。今日啲功課唔交住先。」





我撥撥瀏海，瀟灑一聲︰「唔比就罷就。」

早會一到，個老虔婆一入課室就同全班人講︰「今日開始實施欠交功課紀律處分，凡無交功課一概罰留堂兼取消課外活動資格。」

講到呢度班運動狒狒面都青埋，紀律處分佢哋根本唔當一回事，出面佢哋都唔知打左幾多次交，但講到取消課外活動資格，溝女攞名氣攞運動投胎券都係呢啲活動，取消左係佢哋眼中仲得了既？

老虔婆都識做，不愧係香港某間大學畢業出泥既商業菁英，同佢哋講︰「因為措施突發，今日既功課比你哋午息後交。」

講完大家不約而同望住我，而我都心知今晚晚餐已經有著落。





按收費每份功課8蚊，用人工智能GEN返啲唔同答案，字跡潦幾潦就過到校長板，一個小息已經穩袋港紙576蚊，長遠計落去15000不是夢。而個班運動狒狒又可以用小息時間打波練習，又達到雙嬴局面。
雖然唔係好明點解佢哋總係唔願做功課，但有需求就有供求，佢哋想要好成績又要玩運動識女仔就要付出相應既代價。

而老虔婆知道收益之後話想分一杯羹，我同佢講我7佢3，佢死都唔肯話要55。到依家都仲未傾掂數，巴打們有無方法可以說服佢我9佢1？