學生會後宮事件簿: 9.
『冇，啱啱苞茹中學嗰個external聯絡咗我，約我今日出去傾下嚟緊ball嘅安排喎。』
『哦，係咁我話』 佢一路坐起身一路著返啲內衣褲同我講 『你餓唔餓呀，不如食埋嘢先走啦...』，佢谷起咗個嘴啲baby fat係佢塊面度谷起咗，好q咁望住我
望到miss嗰樣，我個心都開始溶化
『好呀』
佢開開心心咁就要出咗去廚房嗰度煲水，果然，我冇估錯，都係食返琴晚嗰隻公仔麵。
過多無耐，佢拎住個托盤，攞咗兩碗麵出嚟，擺咗喺餐枱度，我就係佢面攞起筷子喺度食。
『係喎你準備好啲文件未㗎？』
『琴日晏晝已經準備好咗個初稿啦』我唔夠膽同佢講其實係因為想見mandy先至咁早做完
『咁你仲唔快啲食？？？你約咗人幾點呀？』
『係喎』我攞起筷子，將個麵倒落肚
食完面之後，我返咗屋企換件衫，就準備搭巴士出去mk到搵mandy
不過，世事難料獅子山隧道竟然塞車...
正當我諗住攞起部電話同佢講我會遲少少到嘅時候
Mandy:sorry呀我會遲少少呀 我搭緊巴士塞緊車
我:下係乜咁啱嘅我都係😂😂😂 話說你住邊㗎😂😂咁啱我哋都塞車嘅
Mandy: 我住沙田㗎
我: Wtffffff 咁啱嘅我都係你話你會唔會係同我搭緊同一架車㗎啦😂😂😂
Mandy: 下應該唔會喎，我見架車都冇乜人
而喺我眼前我就見到一個熟悉嘅身型，唔係呀化...唔係真係咁啱呀嘩