禁結之淚-BDSM真人真事改編: 10.安全措施要做足
我熄咗Telegram，打開WhatsApp，為咗以後嘅調教更安全，聽日一定要去做好準備。
我企喺旺角地鐵站C出口，眼見好多人出閘走上地面，我就要默默企喺原地，我望咗眼手錶，我已經等咗20分鐘啦…
「有為！有冇搞錯啊！我等咗你20分鐘啦！」我連珠發炮咁鬧眼前呢個白白害我等咗20分鐘嘅「好兄弟」。
「唔好嬲啦！」他唔要臉咁講：「錫啖補返數啦。」佢靠過嚟挽住我手臂，錫咗咗我塊面一啖。
「頂你！我已經遲，你仲遲！」我推開佢。
佢邊行邊講：「下次唔會呀。」妖！佢每次都係咁講。
算啦！我都慣曬，識佢10幾年，佢從來冇試過準時，我有懷疑過我遲到嘅習慣係咪佢傳染畀我。
閒談之間，我哋已經到咗先達廣場嘅側門入口，呢個旺角街知巷聞嘅手機「勝地」，四圍都係內地收售iPhone嘅地攤。
行入先達廣場，全部係售賣手機嘅大小商戶，牆上掛上唔同型號嘅手機，令人眼花瞭亂。
無錯！今日嘅目標就係要買另一部新手機！為免再發生上次喺餐廳發生嘅意外，我決定買一部只用調教之用嘅手機，一部畀我喺BDSM圈內用嘅手機。
「啲小米手機又幾平，但又唔想用大陸野。」我碎唸。望住小米手機嘅價錢，做備用手機的確好吸引。
「不如你試吓5SE啦。」有為拎出佢袋口入面嘅iPhone 5SE手機。
「得咩？好唔好用呀？」我望住佢手上嗰個外型比我依家嘅iPhone 8 Plus迷你好多嘅手機，外型好似玩具咁，令我唔太放心。
「又平又實用。」他笑住咁講：「你自己試吓啦，冇呃你㗎。」他啲口氣十足嗰啲sales。
雖然有為成日遲到又唔太可靠，但佢從來唔會呃我。
「喂，做乜無端端買新手機啊？」佢好奇問。
我把玩頭先喺售貨員手上攞嚟嘅iPhone 5SE，講：「因為安全問題。」
「吓？」
「一部係喺小蕎面前用嘅，一部就做私事。」我漫不經心咁講。
「哦，你個死仔一腳踏兩船！」佢笑我指住我講。
果然係識咗10年嘅好兄弟，我只係講咗一句就即刻揭穿我，第時結婚都要考慮吓搵唔搵有為做兄弟好，一陣喺我老婆面前爆曬我啲嘢就仆街。
「唔係呀，我唔會溝第二條女㗎。」我認真咁講。
「古古怪怪。」佢好奇咁望實我。
「好，就要呢部。」我將手機還畀嗰個店員。
我畀完錢就將我收咗網調奴嘅事一五一十話曬畀佢聽，我唔知點解會同佢講架，或者因為佢係我最好嘅朋友。我依家就好似個貪玩嘅小朋友，同人分享我嘅「玩物」，亦可能我只係想搵一個人嚟分擔我嘅罪惡感。
有為係第一個知我玩網調嘅人，如果我只能夠畀一個人知，咁嗰個一定係有為，唔係今日我都唔會搵佢出嚟同我買手機啦。
反正有為佢一直知我鍾意BDSM嘅秘密。
「林林你曳曳啦。」他笑住咁搭我膊頭，「咁都話冇一腳踏兩船？」
「奴係同拍拖溝女唔同㗎。」我嘗試解釋：「佢唔係女朋友呢種關係，主奴關係就係另一種存在，係你地未聽過先會覺得係好似食女咁，但事實上唔係。」
「咁你覺得可以並存？」
「點解唔得啫？你拍拖都唔會同你呀妹斷絕關係啦。」我諗咗諗又講：「好難解釋，網調同偷食係兩回事。」
係我眼中真係兩回事收奴同出軌真係兩回事，只係我唔知點解釋畀有為知。
「咁⋯你會唔會畀你女朋友知？」
我露出一個意味深長嘅笑容，「佢唔問我咪唔講囉。」
「咁我依家call你條女講啦！」
「你試吓囉。」
「哈哈！」「哈哈！」我哋喺度大笑。
返到屋企之後，打開嘅iPhone，down翻Telegram、Twitter、Tumblr等相關嘅程式，將我舊手機嘅Telegram帳號移去新iPhone上面。
「我轉咗新手機。」我send信息畀狗狗。
我未等佢覆就開咗Tumblr，依家終於可以光明正大喺手機上睇。
Tumblr除咗追蹤「野狼個奴」之外，我仲有留意一個叫「小桃的調教日記」嘅湯主。小桃係香港嘅女M。點解我叫佢做女M而唔係女奴，係因為佢冇固定主人，佢會徵求有興趣嘅用戶向佢提出任務，如果有有趣同吸引嘅任務，佢就會接納。簡單來講就係自我調教，而佢嘅文章全部都係佢任務內容同過程，有非常仔細嘅圖文詳盡。最重要係佢十分之重口味，係一位廁奴。
咩係廁奴？就係甘願做男性嘅廁所，深喉、吞精、飲尿之類不在話下，將主人嘅糞便尿液揸喺身上，甚至食屎。主人將佢糟蹋蹂躪，佢先會有快感。
而小桃正係一位香港本地難得罕有嘅廁奴，以食屎聞名，鍾意重口味嘅我自然係佢嘅粉絲。
可能有人會疑惑我點解會鍾意重口味嘅調教，鍾意食屎飲尿。因為排洩物一直畀人係最污糟嘅印象，身為人類最唔能夠接受，人可以對性愛冇羞恥感，但必須要會排洩有強烈羞恥。所謂「靚女唔會屙屎」，我就冇聽過有人講「靚女唔會做愛」。排洩一向係人類世界嘅禁忌，係身為最原始嘅本能。將排洩變成性慾望，係一種超越禁忌嘅浪漫。當互相連彼此最污糟嘅事都可以接受，先係真正接納對方全部。
眼下咁多「湯主」，我到底要幾時先可以好似佢哋咁，喺SM圈大放異彩？始終狗狗係網調奴，我貿然喺Tumblr出post講我哋嘅調教故事，豈不是貽笑大方？