真人版魔物獵人: - 第四章 – 現實

- 第四章 –現實
 
遊戲就像現實的寫照，可是現在遊戲就是現實。一不小心就真的會死亡。
 
…………………分隔線…………………
 
當辻本良三的影像消失後，各玩家也議論紛紛。
 
突然，有一名玩家大叫。
 




「各位！」
 
眾人立即安靜，聽著聲音方向朝望。
 
「大家好！我叫阿樂。相信大家都聽到岩岩阿伯講既野。首先，我地大家要團結一齊破關！同樣，大家都要保住條命！」阿樂大聲說。
 
「或者大家早前都有接過任務做，大家都應該留意到呢個遊戲版本同我地之前玩既唔同，好多功能都冇，我地要靠自己建立，例如地圖，呢個遊戲係冇地圖睇，所以我地只可以慢慢熟悉地型。另外，希望大家可以搵身邊既玩家組成四人一隊，方便大家日後可以穩定解任務。」阿樂接著說。
 
說畢，眾人的臉上由擔憂的表情變得寬容一點，而且大家也開始尋找隊友。
 




小楓四處張望，可是他在這遊戲中沒有現實的朋友一起玩。
 
正當他失落之際，有一個女性玩家走來。
 
「Hello，我叫阿欣呀！你有冇興趣一齊組隊呀？」阿欣問道。
 
「你好呀！我叫小楓。好呀！得你一個？」小楓說。
 
「唔係呀！我仲有個朋友，你介唔介意？」
 




「唔介意。」
 
「咁你跟我過黎。」
 
說畢，阿欣帶同小楓到另一處。那處有另外一個女性玩家。
 
「阿穎，佢係小楓。」阿欣向著女性玩家說，再向小楓介紹。「小楓，佢係阿穎。」
 
「Hello，你好。」小楓對著阿穎說。
 
「你好。」阿穎說。
 
「我地依加三個人，爭一個，要再搵下人先。」阿欣說。
 
三人四處張望，可是看不到落單的玩家。




 
「不如我地四圍搵下？小楓，我同阿穎一齊搵，你自己去另一邊搵好唔好？」阿欣問道。
 
「好呀！」小楓說。
 
然後，女生向一方尋找最後一位玩家，而小楓就向另外一方尋找。
 
可惜，大家也沒功而還。
 
在場的玩家由數千人慢慢也走散，變為寥寥數人。
 
眼看其他人也是成功組隊。
 
阿欣、小楓和阿穎只好決定三人成隊。
 




現在他們才看看自己的裝備和能力。
 
大家都是初始裝備，是皮製套裝，頭身手腰腳。
 
能力有看破一等，攻擊一等，防禦一等，體力增強一等和毒耐性一等。
 
三人的分別只是武器上的不同。
 
阿欣的武器是雙刀，阿穎的武器是大劍，小楓的武器是片手劍。
 
查看裝備後，他們打算開始接受任務，累積實戰經驗，慢慢學習做一個獵人。
 
前往任務版時，他們了解一下大家。
 
「小楓，你幾大啦？」阿欣問。




 
「十六歲啦，中五。你地呢？」小楓反問。
 
「我地都係呀。我同阿穎係同班同學。」阿欣回答道。
 
「本身諗住下年就考DSE，所以襯今年好好玩埋就收心養性專心讀書考DSE，點知咁岩撞正依加咁樣。」小楓說。
 
「唔緊要啦！我地三個一齊破關之後就出去考DSE，一齊做大學生！」阿穎說。
 
「好！」阿欣和小楓一起大叫。
 
走到任務版，他們看到有三個任務，是一星的任務。
 
突擊冠突龍、森林惡棍、在森林中採集菇類。
 




「收集菇類好似適合我地呢啲新手熟習下個遊戲先。」阿欣說。
 
「好呀，我冇問題，阿穎呢？」小楓問。
 
「我都OK呀！」阿穎回答道。
 
「好！我地就去收集菇菇啦！」阿欣舉起右手大叫。「出發！」
 
「好！」小楓和阿穎跟著大叫。
 
然後他們就向任務版附近的出口出發。
 
他們走到營地，打開紅色木箱，大家也拿了三支應急藥後就出發了。
 
他們走出營地，穿過草原，到了森林的門口。
 
「我地要收集二十個菇菇，你地想分開行定一齊行？」阿穎問。
 
「我諗依加個天咁黑，一齊行會比較好。」小楓回答道。
 
「好呀！」阿欣說。
 
他們走進森林，四處張望菇類的藏身位置。
 
「好彩個月亮都幾光，照到入黎森林，睇野都仲算清晰。」小楓說。
 
「係呀！你地睇下。」阿穎指向森林上方。「啲松鼠幾得意。」
 
「係喎，但係記住我地唔係黎參觀呀！」阿欣說。
 
「知道啦！」阿穎說。
 
「呢到有菇呀！」小楓指向前方不遠處。
 
「係喎！」阿穎說畢後快步走到，立即採集了三個菇類。「我搵到三個呀！」
 
「Yeah！仲有十七個，應該唔難集齊二十個呀。」阿欣說。
 
「希望啦。」小楓說。
 
「點解咁講？」阿穎問。
 
「因為以我記憶中，通常呢類採集任務既物品都係分得好散，而且冇地圖咁搵，我諗都唔易搵齊二十個咋。」小楓道。
 
「唔緊要啦，我地有時間慢慢搵。」阿穎說。
 
「咁又係，呢個遊戲係冇限制任務時間。」小楓說。
 
「好啦！我地繼續搵菇菇啦！」阿欣說。
 
說畢，他們繼續前行，數分鐘後也找到四個，還欠十三個。
 
過了十分鐘再找到兩個，還欠十一個。
 
他們再走了十多分鐘，還沒找到菇類。
 
「呢到個森林都好大下，好似行黎行去都係差唔多咁既？」阿欣問道。
 
「係囉，呢到我地係咪已經行過啦？」阿穎問道。
 
「我都唔肯定，個森林每到都好似差唔多。不如我地做啲記號？起碼真係走返黎都知道。」小楓說。
 
「好呀！」阿欣說。
 
然後阿穎拿出大劍，向一棵大樹斬出大交叉作記號。
 
「搞掂！」阿穎說，還展示V字手勢。
 
「好啦。我地繼續向前行。」小楓說。
 
說畢，三人繼續前行。
 
不久，他們穿出森林。
 
「咁就行完森林啦？」阿欣問道。
 
「我諗森林唔係咁細既。我頭先行森林果陣留意到有啲大樹係可以行上去。」小楓說。
 
「咁一係我地試下行上去搵下？」阿穎問道。
 
「好呀！邊到可以上去呀？」阿欣說。
 
「我記得同呢到應該唔係好遠。跟我黎。」小楓說畢就帶路走回森林去。
 
三人走了數分鐘就看到一棵大樹，大樹的樹幹被粗壯的樹根圍繞著，就像一條斜路一樣，能直上樹頂，樹根十分粗大，好像有兩三米粗。
 
阿欣和阿穎看到後也露出驚訝的表情，就像從沒看過一樣。
 
小楓向二人示意走上樹根，二人也立即回過神來。
 
三人慢慢由樹下沿著樹根上到樹幹的中段。
 
可是，阿欣和阿穎已經沒有氣力繼續走了。
 
「你地仲行唔行到呀？」小楓問道。
 
「呼…呼…我唔得啦。」阿欣氣喘地慢慢說出。
 
「呼…呼…呼…我都…唔得啦。」阿穎也氣喘地說出。
 
「睇黎你地兩個都要做多啲運動先得啦。 一係你地係到休息下先，我自己周圍搵下，等我返黎，好唔好？」
 
二人給予OK的手勢回覆小楓。
 
然後小楓就向附近繼續探索。
 
小楓走了數分鐘後找到了三個，還欠八個。
 
然後走了十分鐘後再找到了三個，還欠五個。
 
不久，小楓就把這一層的森林也找過了，於是他回去尋找二人。
 
小楓很快地走到二人所處。
 
「我搵到六個，仲爭五個。你地休息成點？」小楓問二人。
 
「休息夠啦，阿穎呢？」阿欣問。
 
「我都OK啦。一齊繼續行啦。」阿穎答。
 
「好！咁我地再向樹頂出發！」小楓說。
 
三人繼續向上走，到沒有讓他們向上走的時候，他們穿過另一棵大樹，繼續向上走。
 
途中他們也找到兩個菇類，還欠三個。
 
終於走到樹頂，他們看到一個巢穴，中間有數隻像人一樣大的蛋。
 
「呢到好有可能係火龍既巢穴，我地細聲啲周圍搵下仲有冇菇菇。記住唔好搞佢地啲蛋。」小楓悄悄地跟二人說。
 
二人給予OK的手勢回覆小楓。
 
然後三人在這個巢穴搜索，阿欣找到三個菇類。
 
「我搵到啦！」阿欣大叫。
 
小楓向她表示要把聲浪降低。
 
可惜，天空出現了一個黑影。
 
他們三人抬起頭來，望向天空，一條飛龍從天而降，降落到巢穴。
 
這就是它的巢穴。雌火龍。