是咁的，中學第一日開學竟然要步操

是咁的，話說小弟啱先冇幾耐前係小學畢業升上泥讀中一，本來就高高興興架啦，一早同啲人打通哂關係，已經準時每個月交100蚊比留級條巴基做保護費，諗住日子安安穩穩咁過，點知上層班老師唔知諗左啲咩屎橋出泥，話為左培養學生既紀律，搞個早會每日要步操。條巴基一聽到話要步操之後成個早會都唔見人，同佢deal返扣返早會$15又係度爹li媽li布丁，係威係勢咁。

  唉fine，個15蚊我當跌左，學小平哥話寨馬照跑舞照跳，點知你老味一泥就發現唔係幾對路。一望落去見到條金毛mk留級生係咁原地360度自轉，件訓導係佢面前係咁重覆叫︰「向後轉！向後轉!向後轉!」個指揮阿sir仲要好串咁攞住部擴音機唱︰「同學，原地在轉，嘔心瀝血原地在轉。」

  我見條金毛mk仔個樣都好唔順超架啦，怕係怕在轉下轉下個身仲發埋光進化埋姐，都anyway啦，操完即刻返上去恰陣。件訓導望住我，我又望住佢。

佢係咁講90度，又話頭要45度向右望，手指同眉頭間距為2cm，雙腳要分開65度。

我都搲哂頭，唔知佢蹹乜。突然佢擘大對眼，突然大叫一聲「踏步走！」，然後兩隻腳係咁極速踏步。企係我隔離既肥婆比佢嚇到即刻喊左出泥，仲拉住我強而有力既臂彎，用對楚楚可憐既眼睛注視住我。





呢一刻我就知道我入錯學校，依家已經遞左紙申請轉校，想問巴打們點樣可以向條巴基申請保護費退款。