願記憶可以再來多一次: 眼淚

同你既時光真係好幸福
不過我係仆街仔    成日打機冇理你
你搵我既次數都愈黎愈少
每次都打機都打到好夜   夜晚訓前先搵你傾一陣

而你都開始慢慢習慣    再唔係好似以前咁係咁搵我
我亦都變得好似每晚訓前打電話比你咁
不過呢個都冇咩所謂   係我自己仆街要打機
搞到自己要打比你    但係真係諗唔明
點解我同你每晚傾一粒鐘   你都係唔夠    




到近來我先發現  原來真係陪得你好少好少


日子過下過下   我就提出左一個星期同你食一次飯
你成日都要返屋企食    每個星期間唔中都同我食下
其實我已經好滿足     其實我唔係孤寒唔請你食飯
有時我請你食    有時出街買野又你比D散銀
我就覺得有時大家都要付出下   咁既拍拖先好似好D
知道嗎?   唔知你點睇我   但係我唔認為我有錯






至少我係為左你好   我覺得愛一個人   做任何事都係會為佢好
所以我真係好信任你   你喊住講既每一句說話我信任你
我相信眼淚唔會咁假既   所以我見到你喊   我每一次都相信你下一次唔會咁做
不論你講過幾多次大話    當你喊住同我講   比多次機會我   我會改架啦
你喊既樣   我仲記得好清楚   因為你每次喊   我都要你訓係我上面
我會叫你望住我對眼    我要好好望清楚你
好好望清楚你喊既樣   你要知道自己   為左我而喊   所以我信你






米妮:對唔住呀   我會改架啦
星:米妮   望住我   
米妮:嗚嗚
星:好啦   乖啦  唔好再喊啦
米妮:可唔可以當我講過既說話冇講過
星:講左既野點可以當冇講過架
米妮:對唔住呀   可唔可以當冇講過呀
星:好啦好啦   冇講過啦

你知唔知真係好白痴呀..講左既野聽左
點可以當冇講過   但我每一次都真係當我冇聽過
亦我都唔會提起    知道嗎?