願記憶可以再來多一次: 最初

我好想同你講多謝   多謝你曾經成為我既伴侶
係你一開始咁改變左我   而你依家離開    亦都再一次改變左我
多謝你令我明白到   女人係幾咁蠢   而只有母親呢個女人係永遠永遠愛我
而我自己亦更加了解自己原來可以咁固執    

講返起一開始    冇記錯係中二既學期尾你開始追求我
人地話  女追男就隔層紗   好可惜既係   當年既我係幾咁鐘意哄女仔
又點會咁易同你拍拖    我唔知你係點樣認識我
但係你同我講過   係一次借書令你愛上我    
自此之後    唔知你由同途徑得到我既電話




每日我既手機自此就多左30幾個miscall    你既追求   係令我幾咁苦惱   

每次聽電話就係咁

星:喂   咩事呀?
米妮:冇呀   正係想打下比你
星:你日日都打幾十個電話黎   你好煩呀
米妮:咁我打咁多個比你   你又唔聽  咁我咪係咁打囉
星:咁我聽左啦   你想講d咩呀
米妮:想聽下你把聲炸




星:咁冇野啦   88


基本上每日都有30幾個電話搵我...
因為我成日都專登唔聽佢電話

真係覺得呢個女仔好煩好煩   

但係你有冇諗過   你當初咁辛苦追我返黎
到你依家要走   會唔會覺得有小小可惜?





有時你打黎   我fd係我身邊我會叫佢地幫我聽
扮下我   去玩下你  有個朋友同我把聲幾似
有好幾次你都比我呃   依家我諗返起
對住一個愛人   咁樣比佢玩法  我諗你一定唔好受啦
當時我只係覺得   有個女仔追我   可以威下比班fd睇
到我依家諗返起  我都真係幾仆街   
男人不壞女人不愛   真係幾貼切


久而久之   你打黎搵我就好似一種習慣咁
到依家我已經唔會再聽到你把聲啦   知道嗎?