【真人真事】冤冤相愛何時曉？: 72.

第二早一起床，我下意識的便拿起電話打算跟周楉童說早晨，直到按下「傳送」鍵前我才忽然想起自己昨天已經與她分了手。

我對著電話苦笑了一下，唯有把已經寫好的「早晨」二字從對話框中刪去，也將這個習慣從我腦海中刪去。

這時恰好看到大學同學傳訊息問我：Yo你今日返唔返學上堂？

我心中冷笑一聲，回覆他：好似我呢啲咁乖嘅學生，喺無一個合理理由嘅情況下係唔會隨便走堂嘅。

他很快便回覆我：Okkkk, see you later~





不過，失戀絕對是一個走堂的合理理由，哪有人失戀還乖乖的回大學上堂聽教授說甚麼鬼罪惡問題，失戀當然是要去唱K盡情發泄的呀，所以我想也不想便打給燒山。

「喂喂喂，我有個少少嘅諗法，你一陣有無嘢做？」我急不及待的問燒山。

「今次又點呀，我一陣要上堂囉。」燒山厭煩的說。

「嗱嗱嗱，上堂呢啲好死㗎啫，不如我地而家去唱K吖？」

「唉，你放過我啦，你俾我上堂啦，我唔可以唔上堂㗎。」燒山苦苦哀求。





「喂你諗下先，我喎，你老友失戀喎家下，你陪上我去唱K都好合理吖，你話係咪先？」我努力說服燒山。

老實說，即使燒山不跟我去唱K，我很大機會還是會自己一條友單拖去Neway盡情把心中的情緒發泄出來。

「唉怕咗你喇，唱喇唱喇，幾點唱呀？」一如既往，燒山還是順從我意思。

「掂晒啦，一陣十點係你屋企附近個間Neway到等，Bye！」

不得不說，失戀跟唱K完全是絕配，我甚至有理由懷疑有半間Neway都是供失戀人士療傷用的，即使有多不開心，走進去點幾首MK失戀歌，唱著唱著哭幾次便甚麼事都沒有了，簡直是萬能。





唱完K後，我便直接去了上班，也算是分散注意力的好方法，至少我上班時沒有不停想著自己剛剛失戀這件事。

失戀的生活就是不停找方法去分散注意力，能出街玩就出街玩，在家便找些興趣來做。

有趣的是，在分手後的這兩個星期，我跟周楉童仍然有保持聯絡，偶爾還是會閒聊一下，所以還不算太過辛苦。

直到一天起床時，我忽然收到來自周楉童的一篇千字文，心知不妙的我立即打開對話框，果然不出我所料，越看下去我便越有「今鋪碌柒」的感覺。

因為這篇千字文的最後一句便是說，「我發現我如果再咁樣繼續同你每日傾偈，我只會放唔低你，所以我會Block咗你，我唔會再搵你，你都唔會再搵到我。我愛你。」




得閒咪fol下我ig囉：maanyin05