【真人真事】冤冤相愛何時曉？: 65.

「屌你啦請日假咪得，行啦我地，先去惠康買啲嘢就直屌石澳！」我完全無視燒山，直接拍板決定繼續去石澳。

「唉識著你兩個真係我嘅不幸。」燒山別無選擇，只好跟著我們走進惠康。

因為我們要去石澳沙灘上等數個小時才能看到日出，所以有些用品是必須要採購一下，包括大量零食，水呀酒呀膠枱布等等。

我們拿著兩大包東西，一路由銅鑼灣坐車到筲箕灣，再轉乘小巴，兜了半個小時山路才終於終終到了石澳沙灘。

可惜我們有一個小小的問題，就是海邊大風得像八號風球般，使得本身已經隨著入夜要下降的溫度變得更加冷，每一次風吹過來都把穿著短衫短褲的我冷得瑟瑟發抖。





我們為了在狂風下建好屬於我們的臨時營地，因此把原本買了的水呀袋呀零食呀全都拿出來放在枱布的四角，好讓枱布不會被風吹走。

「喂，呢邊呀！！！呢邊吹起咗啦，快啲擺嘢過嚟呢邊呀！」負責吃花生的周楉童指揮著我跟燒山。

「屌，你又唔幫手！！！」我一邊手忙腳亂的找東西壓著枱布，一邊不滿地對周楉童說。

「咁人地係女仔嚟㗎嘛...」她低下頭裝作委屈地說。

「唉係係係，好啦咁就由你男朋友~我嚟做埋你個份啦童童~」我放下手上的東西，走過去捏著她的臉說。





「真係睇見都眼冤，喂屌...你咪撚行開啦，又吹起咗喇嗰度。」燒山著急地指著另一角說。

「咪嚟~緊囉，咁緊張做咩啫。」我走過去按著枱布，再隨便放幾包媽咪麵在上方。

辛苦了一大輪後，我們終於建好沙灘上的小營地，由各式各樣的零食飲品背包壓住外圍，我們三人則舒舒服服的躺在中間，看著漆黑的大海，喝著酒聊天。

「你話如果我地下年，下下年，下下下年，下下下下年都可以三條友一齊咁樣倒數，應該都幾正。」周楉童說。

「嗱，我就無問題嘅，但係你隔離嗰個呢，成日都話要返工又話唔得閒又話要返屋企瞓覺。」我指著燒山說。





「唓，你地係約，我就出嚟㗎啦。」

「係咪先~咁我地下年繼續返嚟呢度睇日出㗎喇喎，我地要每年都一齊倒數！然後就過嚟呢度睇新一年嘅第一個日出！」周楉童說。

這大概是我人生中最青春的回憶，但青春這樣東西，從來都只能經歷一次，過了便是過了，完了便是完了，不會再有第二次機會讓你重新經歷同一件事。




得閒咪fol下我ig囉：maanyin05