【真人真事】冤冤相愛何時曉？: 59.

「哦，咁其實嚴格嚟講，你又未係失戀住，又唔洗咁頹嘅。」終於聽完我整個中學生涯，如此峰迴路轉的感情故事。

「呀呀呀呀！！！唔係呀！！！我唔知呀！！！我剩係知而家自己好撚辛苦呀！你明唔明呀呀…好似似…無咗樣好撚重要嘅嘢咁。」我抱著頭說。

「我覺得係你太過悲觀啫講真，可能情況未去到你諗嘅咁嚴重呢？」燒山搭著我膊頭說。

「屌唔係囉，你知唔知我今日幾辛苦呀，我去到十點搵完你地約今晚飲酒之後，就乜都無做過，全程都係度等周楉童覆我或者搵我，等得我幾咁辛苦，一有人message我就去睇下係咪周楉童，仲慘過個時暗戀佢嘅日子，終於等到十二點，佢send咗張相嚟，跟住我覆返佢之後，佢又唔理我。」我把手中拿著的那支酒一喝而盡，繼續說：「唉，咁我無理由一直咁樣等落去，好彩今日我老母仲放緊假，所以同佢一齊去睇下戲食個飯，但我一路睇戲個心其實都仲係一路諗緊佢，你地明唔明呀...嗰種好好好超級非常掛住一個人嘅感覺，真係好撚辛苦。」

「嗱，但係就咁聽呢，就好似只係佢呢排完sem忙呀好多嘢做所以太攰唔得閒理你啫，起碼佢琴晚都仲有同你講清楚吖，errr係囉，應該過多排就無事嘅，你唔好自己嚇自己先啦，佢今日都仲有搵下你啦，係咪？」淇姐安慰我說。





「我真係唔知佢點諗...一時又話一時又話愛我，但係一時又唔理我對我好冷淡，我今日全日同佢講唔多過十句嘢，痴線，我同佢拍緊拖㗎喎，但係同佢講嘅嘢仲少過同你地。」我越說越沮喪。

「嗱，咁啦，你呢幾日呢，就唔好再chur佢住先，你當返自己係單身，做返以前嘅自己，搵啲嘢做下，約下朋友出街咁樣，好唔好？」燒山說。

「係囉係囉，而家主導權係佢手到，你都做唔到啲咩。照我睇呢，你飲完呢支酒都差唔多開始醉，準備嘔㗎喇，我地送你返屋企先啦不如？」淇姐把我手上的空酒樽一把奪過，然後扶我起身，看著我問：「行啦，好唔好？」

我點了點頭，任由燒山及淇姐扶我回家。

沿路上他們彷彿當我是三歲細路，有樓梯又要跟我說小心梯級，有車又跟我說小心有車，有人又說小心有人，不小心左腳kick右腳跌了一跌後他們就不停說小心呀小心呀然後把我捉得更緊。





好不容易回到家中，一進屋我已感受到自己準備好要嘔，直接跑進廁所抱著馬桶，果不其然不到三秒我便成功把胃裏所有東西都嘔了出來。不過喝醉了也有一個好處，那便是不會失眠，因為我沖完涼後便已經不醒人事睡在廁所中。



得閒咪fol下我ig囉：maanyin05