【真人真事】冤冤相愛何時曉？: 49.

雖然跟她是老熟人，但我還是猶豫了一整天，來到了八月廿八日的晚上十一時我才走去Dm跟她說生日快樂。

我：生日快樂。

本來我以為她會像往年一樣Like了我的回應，怎知隔了不到一分鐘就收到她的回覆。

童：嘩仲以為今年收唔到你嘅生日祝福。

我：點會呢，我就好似正義咁，雖然會遲到，但係永遠唔會缺席。





童：sls我地好似好耐無講過嘢。

我：呢排忙吖嘛。

童：點呀去ocamp有無識到靚女先。

我：講靚點會有人靚過你呀，再講我係ocamp到同個毒撚無分別，夜晚兩三點就去咗瞓覺。

出乎意料的是，這一談，我們便談了兩個小時的天，然後便開始一發不可收拾。





直到第二天，我一起身又再開始跟她聊天，到了晚上她突然開始關心起我來。

童：hey where are you now?

我：同緊老母食飯，why？

童：咁你返到屋企打俾我啦~

我：？？？無啦啦做乜又傾電話，我地唔係分咗手咩。





童：咁我掛住你想同你講嘢得唔得吖？

來到這裏，我心中一驚，然後心想唔撚係掛，難道我跟她又要再續前緣！？

被她嚇了我一嚇後，不知如何反應，所以簡簡單單的回覆了三個問號。

童：我都唔知點解掛住你，但係我就係想搵你，咁得唔得吖？

我：都無話唔得嘅...

於是我那晚又跟她激情對話了一整晚，但其實我仍然弄不清她到底想怎樣，究竟單純是想跟我做回朋友，最近很悶所以找我做她的水泡，還是其實她想溝回我。

到了第二天的晚上十時，正當我已經刷完牙在房中點起香氛蠟燭看著書享受著這寧靜又舒服的一夜時，一個電話鈴聲突然襲來，破壞了這美好的一晚。

來電者正是周楉童。





「喂？做咩呀？」我問。

「唔...我好唔舒服呀...你嚟接我得唔得呀？」電話的另一頭是嘈吵的音樂聲，我只能勉強聽到她在說甚麼。

「咩話？你係邊呀？」

「我係老蘭呀...我飲醉咗呀...雲思哲你可唔可以嚟接我呀？」周楉童又再問。

「吓？？？屌…唔好啦，咁夜。」說實話此刻早已洗好澡的我實在不願再次出遠門走去中環接自己的前度。

「嚟啦…我而家真係好唔舒服呀，你嚟接我啦~」她繼續對我撒嬌。

「唉屌咁大個人你自己返嚟啦，仲打到俾我應該都唔係好醉啫。」然後我跟她就這樣來來回回了好一會，她不斷叫我去接她，我不斷迴避她的攻勢。





「你記唔記得上次你係大浪灣飲醉酒我一聽到就嚟搵你喇喎...點解你今次唔可以咁對返我喎！」

「唉得得得，而家換衫出嚟。」一聽到她重提舊事，我便立即答應她。






得閒咪fol下我ig囉：maanyin05