【真人真事】冤冤相愛何時曉？: 43.

「嘩，你就正啦，無啦啦溝到你女神，仲要係佢叫你表白嘅。」淇姐說。

「聽落就係囉...但係嗰時我唔係真係咁開心。」我不好意思地笑著說。

「吓點解呀，你終於同到你鍾意咗咁耐嘅人一齊唔係應該超級開心㗎咩？」淇姐不解地問。

「正路就係嘅...但係個事實就係我一齊嘅第三日已經走去搵suki講我想分手。」

「wtf wtf wtf！！！你咩事呀你！乜你咁不負責任㗎！你個渣男！」





「施主稍安毋躁，我而家睇返應該係有幾個原因嘅。第一個就係嗰時仲細唔成熟唔識諗啦，始終第一次拍拖都唔識，好多事都係由自己角度出發自己去諗，無乜點用佢個角度去諗，啫係好似我成日都好想有自己時間，好想全日都係度彈結他啦彈琴啦寫文睇書甚至打機，總之嗰陣時我就好唔鍾意俾人管住晒咁，但係偏偏佢每一日都想痴住我，由朝頭早起身開始就想同我傾電話，一路傾到夜晚瞓覺為止，咁我就好唔鍾意呢種相處模式覺得好攰，因為我個人你都知啦，其實係幾摺幾毒咁，於是頭幾日我其實已經頂唔順呢種相處模式，覺得好唔舒服。」

「第二就係，我覺得自己同佢性格可能無想像中咁夾啦，上面講嘅都係其中一部份，再加上每次同佢講嘢都係得佢係咁講，我講啲嘢一係佢就唔明一係佢就無興趣，有時想同佢分享啲嘢，好似對俄烏戰爭嘅睇法咁呀，但佢根本就唔明同唔知我講緊乜，變相對於我嚟講我都覺得好無癮。」

「第三就係可能係我地唔識溝通啦，好多時我有問題我都唔敢攞出嚟同佢傾，變咗收收埋埋，連佢都唔知我嘅不滿咁囉。」

「唉所以我都話，呢兩條友真係好～撚煩，追唔到又唔開心一齊咗又唔開心，都唔知佢地想點。」燒山說。

不過那時候其實也沒有我說的那麼糟，我跟她也有很多美好開心的回憶。





「喂雲思哲，不如我地一齊玩minecraft吖！」

「好呀。」

「我要同你一齊起好多好多間屋...我地不如一齊起個城市出嚟吖...一個屬於我地嘅城市！」周楉童越說越興奮。

結果我們之後每天都在minecraft中渡過，也算是疲情下迫不得已而生的一個拍拖方式。

「喂呀！！！你起錯嘢喇，呢個唔係起係度㗎！」





「喂呀！點解兩邊唔對稱嘅？」

「喂屌，你數少咗一格呀。」

「你過嚟睇下，呢個位我地留嚟起間圖書館好唔好呀。

「我想起個公園呀！」

然後我們就在Minecraft中起了一棟又一棟的建築，就好像那是一個只屬於我倆的世界。


得閒咪fol下我ig囉：maanyin05