【真人真事】冤冤相愛何時曉？: 20.

到了九月中，恰好有一天假期，而周楉童則已早早約了我這天去看屍殺列車2。

正如前文所說，我的膽子十分少，對上一次小六看完第一集時，整晚都嚇得睡不著覺，因此我只是看在周楉童份上，才勉強進戲院去看。

其實這次我倆單獨去看戲跟上次也沒有甚麼太大分別，她仍舊是在我旁邊不停問劇情，又問我如果遇上喪屍我會怎麼樣，然後有數秒更把她的頭靠在我肩膊上，嚇得我動也不敢動。

真不明白為甚麼女人們不能好好看戲，現在跟她看戲次次都對我毛手毛腳，又強迫我錫她，又把腳「掠」在我的大腿上，害我腳都麻了。

看完戲後，便去了吃KFC，不要問我為甚麼要跟她吃KFC那麼慘，是她自己要求的。





「喂，我想問你，你平時打唔打飛機㗎？」她吃著葡撻問我。

「吓，咩話？」愕然的我不敢相信她會問我這個問題。

「屌，你地啲男仔唔係成日都打飛機㗎咩？」

「吓？errrr？有嘅，通常會入GTA打下天空上面啲飛機咁囉。」有時候，真的不得不佩服自己的急才。

「屌你係咪玩嘢呀？」她的右腳在桌下用力一伸，為我的小腳添上一道傷痕。





「有囉咁，十個男仔十個都打㗎啦。」

「咁你鍾意邊個女優呀？」我萬萬沒想到這個女人的好奇心是如此之重。

「屌都係個啲㗎啦，講你都唔識。」現在的我只想盡快完結這個話題，因為我實在不想再在大庭廣眾下討論自己喜歡哪個av女優。

「我緊係識啦，你知唔知邊個係明里呀？我覺得明里超級靚女囉。」她越說越興奮，聲量大得連鄰坐也能聽到。

「都知嘅，好靚女咩？一般般啦下。」





「佢好撚靚女喎！你知唔知我講邊個㗎？」

「知，我知我知，佢裸體我都見添。」

「唔得，點解你會覺得佢唔靚女呀？好靚女喎，我搵相俾你睇，你等我一陣。」說罷她便拿出電話然後打開google。

而我則無奈的看著她。

「嗱，你睇下，咁都唔靚女咩？」只見她開了一張明里穿著內衣的相片給我看。

「靚喇靚喇，你可唔可以收返埋佢，我後面好多人經過，我唔想俾人誤會。」我看向後方正拿著餐盤經過的五十路呀嬸，而我只能努力地試圖用自己小小的身驅擋著那張照片。

「呀，仲有你知唔知邊個橋本有菜，我都覺得佢勁靚女囉，佢隻腳仲要勁長。」本以為我們的話題能就此完結，豈料她又繼績延伸下去。

「知知知，我都認同佢好靚女，我地可以完呢個話題未呀。」





「你成日J佢㗎？」

「屌你知咁多做乜啫，我地唔好再傾呢個話題得唔得呀。」我拿起一塊薯格塞進她的口中，方才終於令她停止說這個話題。

吃完午餐後，我們便各自回家了。




得閒咪fol下我ig囉：maanyin05