《老豆，我想同你講，其實我係詐訓...》

=14px　　細細個，你因為工作關係，每日都好夜番屋企。我當時只係讀緊小學，未睇完《真情》就要上床訓教，但係即使我訓咗落床、即使我熄晒燈、即使睡魔不停性騒擾我，我都堅持住「只閉眼！不睡覺！」，因為，每晚你放工番到黎屋企，鞋都未除，都會走入我間房度鍚我一啖，同埋捏一捏我塊臉。雖然你成日飲酒應酬，番到屋企全身酒除，但係，我都會一邊詐訓一邊聞，因為我覺得好有親切感。 



　到我讀中學，我沉迷緊玩OnlineGame，你每晚都一樣咁夜番，我其實仲打緊機，我其實無溫書，我其實無做晒功課，但係我怕你鬧，所以我會極速熄燈、熄電腦屏幕然後詐訓，你會照樣走入黎我間房，望一望我，見我訓著咗，你就會行番出廳沖涼訓覺，我就繼續打機。 



　　到我出黎做野，同你好多野都意見不合，你硬係唔肯聽我講野，覺得我未長大透，我就一於少理，意見接受，態度照舊。你開口講家用，埋口講責任。我唔會同你嘈交，所以我每日番到屋企，淨係識係關埋房門，避免同你有接觸，少說話就少衝突。結果，我同你關係就愈來愈差，同你一個星期都未必講到三句說話。 



















　　「老豆，其實我想同你講，我一直都係詐訓...」

　　　　「你可唔可以唔好詐訓啊？」

　　　　　「我想同你傾下計....」