一覺睡醒，發現阿爸變成女人: Ch.3

梳洗後，我戰戰兢兢返回客廳，發現阿爸坐在餐桌前，吃着不知從何來的牛奶麥皮，拿着似曾熟悉的手機看影片，優哉游哉般。甫看見我出現，卻馬上站起來：「我幫你𢳂飯出嚟。」

 「我自己得。」他越對我獻殷勤，我越感陌生不安，不知如何應對。 

「欸！你趕翻工嘛，乖乖地坐喺度，等我去拎。」雖說是陌生，但他言談之間，竟有種莫名熟悉感。 

「我識照顧自己㗎啦。」我比他更快一步，走入廚房且取出早餐，他雖無阻止，卻不斷盯住我，我無視其視線、重返座位，卻遲遲未敢動筷。

「做咩唔食？你以前好鐘意食㗎。」  





雞飯賣相雖樸實，但香氣撲鼻，飯粒粒粒分明、雞肉嫩滑多汁，簡直近乎完美，我無法想像，這全是出於阿爸一人手藝，到底他怎憑一己之力，煮出這雞飯？ 

他望向我，一臉認真問道：「宗仔，你真係唔認得我？」 

「我唔明你講咩。」我強作鎮定回應。 

「你食一啖先。」打從一開始，阿爸不斷慫恿我進食，卻不曾解釋原因。 「仲係唔信我？」我不作聲，他歎氣一聲，純熟地取一小塊雞扒，一塊放入自己口中，另一塊遞向我，誠懇道：「你試吓啦。」 

阿爸如此低聲下氣，確實使我心軟動搖，不知如何是好。 他表情沒變，代表味道沒問題，加上從賣相判斷，同樣正常無異樣，唯獨言行舉止較奇怪，最壞打算，頂多食物中毒、腸胃炎之類，事到如今，唯有豁出去，放手一搏。 





我淺嚐一口，驚訝得睜大雙眼，不明所以。 

時隔兩年，大腦依然記得這味道，但任憑我怎樣試，仍無法煮出這感覺。

 曾幾何時，我以為這一輩子都再沒法嚐到。 

「點解⋯⋯你煮得翻阿媽煮嘅味道？」 

「你話呢？」阿爸依舊維持不男不女聲線，我這才發現，他吃着三年前購入的麥皮、拿着阿媽生前所用的手機，畫面尤其詭異。