迷途天堂 II - 不生不滅: 第十二章
「葛主教，我知道你哋唔想天道教上位！……但係你又唔想斷絶同我哋人子秘密交往！」我在葛主教的耳邊說:「……呢一刻你同全機人已死到臨頭喇……冇其他人可以救到你！更何況……子彈冇眼，雖然唔似真子彈殺傷力咁大，但係足夠你痛不欲生……快啲講，聖鐸教同天道教……甚至乎可能有新教團及其他教派一齊……有咩不為人知嘅陰謀喺背後進行中？……你哋需要我哋提供啲細路嚟做咩？」
葛主教:「嘿嘿……，妳以為我怕你哋威脅咩？……我就唔信你哋會對我做出咩花樣！……你哋一班細路、一個女人……能夠做得啲咩？……嘿……」
這時，我用從女警借來的手槍，緩緩的將槍頭舉起面向着主教的太陽穴，這時，葛當場嚇了一跳！
驚惶之下他說:「天地人間的互相配合，世界已今非昔比，人類唔可以再單單死追隨住一本-根本係我哋一廂情願以為係上天賜畀我哋嘅書！……呢一本所謂嘅上帝教誨嘅聖經，在現今世代，已經唔work! ……」
我:「咁咩嘢係work?」
未得到從主教肯定的答案之前……這時，康又在進行空中廣播，說:「各位親愛嘅乘客，你哋好嘛……我宜家想宣布一個消息……我哋將會在不久之後，因冇晒燃料嘅關係，被迫在羽田機場降落…你哋最好有定心理準備……我哋固然未必可以安全降落……但就算成功降落，我哋將會同警方面臨一場生死浴血嘅對峙！……咭咭……我勸你哋心裏打定個預備！」
聽到這番廣播，葛主教對我的態度忽然轉變起來，他似乎不怕我的脅迫了，說:「嘿……嚟到宜家嘅話…我再也冇咁嘅必要答覆你所問嘅問題喇……係唔係呀？……你哋始終都唔會殺我，既然妳嘅話事人廣播叫要放棄自殺式劫機，我仲駛乜怕妳？……到最後……你哋班細路都做唔到啲咩出樣……嘿嘿……，我哋組織始終嚟到最後一刻……仍然係勝利嘅一方！……妳唔會知我哋對嗰啲小朋友做咗啲咩！……你哋永遠唔會知道……呢個關乎聖鐸教同各教嘅聲譽！……我只提醒妳一樣嘢，只單靠一本聖經嚟訓導世人，已經過時，我哋組織牽涉多教嘅高層，而且仲會將信仰全面革新，你哋等着瞧喇……嘿嘿……！」
我說:「你估你一定安全抵步，絲毫無損咁離開羽田機場咩？」
主教:「嘿……妳不如擔心一下，到時去到東京，你哋點樣逃離法網仲好喇！ ……」
我:「葛主教，你唔好低估細路仔嘅能力，佢哋可能應對警方嘅圍捕，綽綽有餘。」
主教:「你哋幾多人啫？憑咩有把握呀？嘿」
說到我們和日本警隊之間的實力差異，實在沒法反駁，我頓時語塞。
主教:「妳想知嘅事……如果我封咀不說……妳奈我咩何……？」
我:「你好嘢……你哋彩數好，我哋話事人唔打算撞機收場，似乎為全機人一下子帶來解脫，但你安心得太早吧？……宜家你嘅……命……仍然喺我呢支槍咀之下……哼！你未免太過老定……」
主教:「唔係我哋彩數好呀！而係……如果我係一個宗教領導人，我都唔會喺呢件事件上去到咁盡，仲要顧及自身教會對公共嘅關係，如果我係妳首領，都唔想天道教帶住負面影響去示眾！」
我:「似乎如果我講……呢次劫機我哋係要嚟同你同歸於盡…嚟報天道教被污蔑嘅仇……你都唔會相信囉喎？」
主教:「嘿……嘿，妳話呢？」
我:「局勢已定，你當然可以大言不慚咁講說話！……在此之前，你仲係嚇到兵慌馬亂！……我睇……你只不過喺度故作鎮定咋！」
與主教的角力，維持了好一會兒，結果我忍無可忍，然後厲聲呼喝說:「你再唔講出真相……信唔信我真係一槍打死你吖嗱！」
主教:「你哋老大都話將飛機迫降著陸咯，我怕妳能對我做出啲咩？我知你哋係天道教人子指使嘅……」
我:「所以呢……？」
主教:「所以喇喎，你哋唔想將天道教嘅聲譽毀於一旦，你哋根本唔會亂來，你哋做嘅嘢到現在為止已經到咗極限喇！……更何況人子本來就同我方同屬一環，一個組織。」
我:「我要將你講嘅嘢公諸於世！」
主教:「你哋都快成為階下之囚，我仲怕咩呀？而且無人會聽得明妳講啲咩！如果關於我哋組織！什麼有關天道教供應兒童嘅事！我唔親口印證出嚟，人哋只當妳喺度胡言亂語！冇人會信！」
此時，飛機隨着漸漸的燃料消耗，航機亦不再到處亂飛，開始逐漸地下降，連帶著陸輪胎也放了下來，似乎飛機亦降落在即。
主教的頑強，令我不得不承認自己的落敗……葛主教的口風很緊，要他透露關於那個之前提及的組織也許十分渺茫了。隨着飛機的降落在跑道之上，然後緩緩的駛進停機坪之內，我看見那裏整個場地都被警察防禦網所團團包圍着，密密麻麻，……我心在想……這次我們再插翼也難飛出此五指山！這樣一來，葛主教的秘密亦永遠就此長埋於主教府地下密室之中，任由它繼續為禍！
這時女組員在旁聽見我們的對話，也加插進來說:「呢啲所謂名門正派嘅教會，惺惺作態，有幾多嗰啲神職高層係正人君子？其實佢哋嘅內心極其污穢邋遢，對我哋呢啲年紀嘅兒童摸手摸腳，色心大起，據我話，呢啲都係人面獸心嘅教會。所以到最後，當個個都色迷心竅之時，都係由我哋呢班兒童做大當家，主持大局嘅時候！我哋嘅身體，就係最有力嘅武器……咭……咭……」
此時，康仔拿住空警手槍從駕駛艙內走了出來，向着場內的所有人說:「宜家我會安排我哋小組成員混入搭客之中，你哋只需要一步步行出客機機艙，唔好出聲，慢慢走出去，我哋嘅人自然可以乘機被你哋掩護離開，所以你哋要乖啲，千祈唔可以發出一粒聲，如果有咩做錯咗，我哋即時引爆手上嘅炸彈！各位大哥大姐，你哋清唔清楚？！你哋唔好以為條命已經保住冇事！你一犯錯半步我就即刻將你哋解決，哇……咭……咭！」
眾人聽到這番話後顯得甚為害怕，而康仔話一說完……便命令首席空姐打開艙門，讓落客的梯子接駁着客機出口，然後小定他們紛紛混進人群中……神不知……鬼不覺地……跟隨着正在離開的團體偷偷逃逸，而康仔則在後面脅持着主教，留守至最尾的關鍵時刻！
這辦法看似沒有破綻……一路都十分的順利，依計進行中，……直到……我和你擁抱在一起，經過警方防線時，被警察扣查起來！……才知道原來日本警方一早已用了人臉辨識技術，將我們每位組員逐一用數據追踪身份，把我們各人在乘客堆中劃分起來然後孤立圍捕！警隊當中，我見到馬sir亦在現場監督……這樣一個圍攻……各小組員的下場不是潰不成軍就是落荒而逃，我們整個團隊實難匹敵過百警員的嚴陣戒備，從警方的五指關飛出去幾乎是沒可能的事！
這時，看見自己的一方大勢已去，站在飛機出口的康仔心中的一股怒火猛然爆發起來……㗅的一聲……他一手繞着葛主教的下腰用燃火噴霧作武器脅持，另一隻手便舉起電話按住屏幕！這幾下動作……我當然知道他要做什麼了……我看見他發了蠻似的……利用手機上的遙遠控制，啟動正在着陸地面在人堆中……那些組員手上的布娃娃！我想……他……不會打算就這樣大開殺戒吧？！
……一瞬間，布公仔內的硝酸銨，一遇電流火花便即場引發起巨大爆炸！……不是親眼看見我也不敢相信！……這刻……火光衝上天空的景象……就是很多人被炸得稀巴爛碎，血肉模糊的可怕情形，噢！……噢！……我再也不敢看下去……此一幕乃非常殘忍的場面，就在我們眼前慘烈地上演着！
全場生還者悲鳴哭號……而且煙霧彌漫……我感到頭腦暈眩和嚴重耳鳴……手心顫抖……
接下來的事還未完結，我看着康仔將手中的燃火噴霧扭開，把液體灑在自己和葛主教的身上，準備用引燃器點火！……看見了這一連串悲劇的發生，主教嚇得當場連手腳都放軟，無力站立起來。
我往馬sir方向走過去，對馬sir說:「我要求警方畀我嘗試上飛機去勸服康仔投降！……可以嘛？……畀我返轉頭一次……上飛機出口處去勸阻佢繼續傷害人命……！俾我試試，求求你……」
馬sir說:「好！」
結果，我便毅然來到康仔面前，對他說:「康仔……你聽我講……其實你宜家最迫切要做嘅嘢……就係……吐主教口風……講出聖鐸教高層喺背後所策劃嘅陰暗組織，同埋佢哋要求供應兒童嘅圖謀到底為何？！……如果……我哋披露到當中嘅犯罪行為……我哋天道教先至有翻身嘅機會呀！」
康仔這時稍為平息了怒火，尖銳的眼神有所淡化，聽了我的觀點後……徐徐清醒過來，然後……漸漸地……將矛頭指向葛主教。
我:「如果揾出佢哋組織嘅犯罪證據，警方嘅調查將會轉移視線到聖鐸教身上，反而天道教……有機會甩身……或者有機會被放輕判刑，你明白嘛？！」
康仔:「你知道嘛！？Miss戴……原本我哋要喺呢次事件中除去小哲！上頭暗示過我哋要諗方法搞掂佢…但……可惜……我哋做唔出……就係因為……小哲佢同我哋搭埋同一班要犧牲嘅船，所以做唔出嚟！如果我哋係自由意志嘅話，全機人嘅結局其實可以好唔同，但係……唔好講人哋條命……就算要控制我哋自己條命，談何容易呢？！」
我:「我哋得㗎！……如果主教講出成件事嘅真相，我哋嘅結局可以好唔同，冇必要食聖鐸教高層留畀我哋嘅呢隻死貓！我哋要fight吔！」
十一歲的康仔果然比一般的小孩子思想老練成熟，他雖然偏激，但是腦筋轉得很快，眼睛滾動了一圈後便拿定主意，一個快速動作……將引燃器放在葛主教肚子上，向其作出威逼狀，說:
「葛主教……你哋呢班賤格嘅人渣！……宜家……你一係死……一係講出真相！……你哋要細路仔嚟做咩？！」
主教終於要就範:「其實……聖鐸教嘅信仰……係唔完整……我哋係幫緊世界，將人類內心深處嘅原始欲望引發出來，然後實現佢，分別出優等嘅人種……你話咁偉大嘅工程何來人渣嘅稱號呢？」
康仔:「原本細蚊仔係可以正常幸福咁生活……就係因為你哋呢啲人渣，踐踏我哋……使我哋不得不自己企出嚟選擇自己嘅命運，人類歷史，多咗我哋呢班兒童去參與建設……打倒嗰啲自私嘅大人！……消滅利慾薰心嘅大人世界！！」
主教:
「冇咗『中心思想』嘅引導，平凡嘅細路仔根本唔成氣候！等我講清楚一點，一般小朋友只學懂事物嘅形式，而學唔到其精髓，咩係真正大事業，咩係終極人性嘅真面目，喺呢個議題上面，佢哋嘅表現只有如皮毛般程度嘅膚淺！」
我:「…咩係…『中心思想』？」
葛:「我哋嘅組織，成員橫跨唔同宗教各個派別，全部都係屬於其所屬教會嘅話事領導層人員。…有一日，「中心思想」嚟到我面前，招攬我入『拜撒旦主義末日環』，原來咁多個教會嘅話事人佢都有來訪接洽過，我哋最初都無人有意附和佢，『中心思想』所帶嚟嘅訊息冇人認同。不過，驚訝嘅係，就喺世界進入武器競爭嘅年代，大概就喺20世紀90時代左右，『中心思想』帶畀我哋嘅訊息、預言，一一喺歷史舞台上實現出嚟，而佢嘅核心信仰就係，只有聖經這本書中所收錄嘅合輯唔係神全部嘅話語，其實仲有一本叫-撒旦篇章-並未有加入到聖經而形成一本完整嘅書，呢卷書係喺二戰期間喺埃及金字塔-又稱『以諾之柱』附近嘅密室無意中被考古出土，後來落喺『中心思想』手中，並掌握住一切末日前嘅預言，全部都藏於此篇章之中。」
我:「莫非嗰個倒十字架刺青，就係你哋『拜撒旦主義末日環』嘅標誌？」
這時……葛將衫袖扯掉裂開，露出了一個被大頭人形扶持着的倒十字刺青，說:「你指呢個？」
我:「係……我見過岑師鐸，同人子身上都有！」