《凶門》你有冇膽將門打開？: 第二章 遺留的筆記

「門嘅故事？咪唔係廁所內的花子、會動的人體模型…」
 
「果D係日本怪談，我地學校有另外嘅鬼故。」
 
我實在很難想像「門」可以有多恐怖，有時都會想像打開宿舍房門，有一個性感美女坐在床上等我回來，當然這願望從未有實現過。
 
「你記唔記得開學典禮果陣，校長講過嚴禁走入宿舍後面嘅樹林？」傑仔向我問道。
 
「記得，樹林仲有保安係到巡邏，甘都係想保障學生嘅人生安全。」
 




「傳說係樹林入面，有一道奇怪嘅大門，打開門嘅人會遇上恐怖事件，然後就會永永遠遠消失係世上。」
 
「車，間間學校都有D類似嘅故事嫁啦！假到死。」我搖搖頭回答，這些怪談大多是在以訛傳訛的情況下被無限誇張化，根本不可信。
 
可Jacky似乎不這樣認為：「我地本來都以為係假嘅，直到係最近清理活動室時搵到依樣野。」
 
Jacky從書櫃裡拿出一本筆記，然後遞給我。
 
我接過筆記本，筆記的封面殘舊，紙頁泛黃，看來已經有十多年歷史，勉強可以看到封面的筆跡寫著「王俊」這個名字。
 




我打開筆記的第一頁，上面貼著一張老舊的照片，一幅五人合照。
 
Jacky指一指相片正中間的男學生，說道：「依位係我地學會嘅前任會長，王俊。筆記基本上都係記載一D佢同學會成員嘅日常生活，直到最後幾頁…」
 
Jacky將筆記翻到倒數第三頁，上面寫著：
 
-------------------------------------------------------------
2001年 10月15日
 
經過幾星期的研究，不斷翻查書籍，終於被我們發現「門」既位置。我們會在今夜闖入樹林，嘗試證實這個學校不思議事件的真確性。




 
2001年10月16日
 
太令人驚訝了，原來「門」真的存在。它簡直就是巧奪天工，甚至有一股令人著迷的魔力。可惜門上邊有幾條粗大的鐵鍊將它牢牢鎖死，不過明晚我們會帶同工具嘗試將門打開。
 
2001年10月17日
 
非常令人失望，原來「門」後面根本什麼也沒有，不思議事件原來都是騙人的，我們這幾星期的努力全都白費了。

--------------------------------------------------------------
 
接著的一頁是一幅地圖，下方寫著「宿舍樹林」，地圖上的「門」字似乎就是門的位置。我將筆記翻到最後一頁：

--------------------------------------------------------------
 




2001年10月20日
 
為什麼？為什麼我所認識的一切全都改變了？究竟發生了什麼事？
 
2001年10月23日
 
千萬不要將門打開…

---------------------------------------------------------------

筆記到這裡便完結了，而最尾這一頁的紙上，有一些紅色的痕跡。
 
「依D…唔會係血跡呀？！」我有點害怕的問道。
 
「唔知道。」




 
「咁王俊究竟發生左咩事？」
 
「都唔知，我問過上一任會長，佢對依件事完全唔知情，因為我地學會係2001年曾經被廢部，上一任會長係2002年先再開返依個學會。我地查過學校嘅官方記錄，只係話王俊同令外四名學生係2001年因為發生意外身亡。」
 
我開始感到這事件有點兒撲朔迷離，同時亦對學校的不思議事件產生興趣。
 
當我想翻看筆記，看一下有沒有其他線索的時候，Amy突然開口問道：「你有冇興趣係今晚同我地一齊去睇下果道神秘嘅「門」？」