若你發現我未曾存在，你還會愛著我麼？: 7. 慷他人之慨的李倫
我回到我自己的單位。打開門，發現李倫躺在沙發上看電視。
「掉個垃圾都可以咁耐先返，睇黎你係見到你想見嘅人啦。」李倫目不轉睛盯著電視說道。
我沒有理會他，直接往房間走去。
你做咩唔理我呀？是否唸靚女想得太入神，連朋友講嘅嘢都聽唔落去呀？」李倫不滿地說
「我唔想跟重色輕友，慷他人之慨嘅『朋友』講野。」
「喂！你唔好亂咁將依啲字眼擺係我身到喔，我得罪你啲咩呀？」
好小子，明明知道自己錯什麼還要裝傻嗎？好，我就告訴你。
「三個月前，姚加奈已經係我嘅鄰居，點解一直都唔同我講？同埋呀，姚加奈之前都話想探我，你又唔俾佢探我。你一定係有心唔俾我同佢見面，咁你自己咪更加多時間同佢孤男寡女囉。」
「哇，你咁唸耶都有嘅！果然我好心冇好報，我就知你係一個用下半身唸耶嘅生物，一見到女就成個人High哂咁，話你知呀，你起身嗰三個月係你溫返讀過嘅嘢嘅唯一時間。如果我同講你姚加奈就住係你隔離，你一定日日心心思思唸住她，咁你唔駛讀書啦。同埋呀我根本冇鍾意姚加奈。所以你可以放心喔，我先唔會同你爭女。」李倫無奈地說道
「你真係唔鍾意佢？一點心動嘅感覺都冇？」
「冇呀。」
「你呃人，你點會對一個絕世靚女冇感覺？」
「靚女就一定要有feel架？你估個個都好似你咁用下半身唸嘢呀？揀女除咗睇樣仲要睇心架嘛。」
「好明顯姚加奈個心同佢出面一樣咁靚啦。」
「你話係咪係囉，總之呢我對你個女神就完全冇興趣。而我都唔想拍拖住，拍拖咁麻煩。」
「係咩，我唔信囉。好啦就當你冇鍾意佢，咁你講吓慷他人之概嘅事呀，你完全冇問過我意見就應成借我的俾姚加奈。」
李倫想了一想說到：「依層我的確做錯左，依家我同姚加奈講返唔方便借。」李倫說著便從沙發起來，向門口走去。
「算啦，人地要幫手我先唔會見死不救嘅。依件事就算啦。」在他走的時候我拉著他說到。
「睇吓你自己呀，我一早估到你一見到女仔成個人就傻哂，佢地講咩你都會應成啦。既然係咁我幫你應成都冇咩問題。不過你放心，我冇慷他人之慨。我同佢講左係你話OK。仲同佢講要多謝嘅係你唔係我」
「咁·····咁可能我真係怪錯了你。」
「我俾人冤枉喔，你係咪要同我講返聲Sorry呀？」
「對唔住囉。」我不願意地說道。
「咁就啱啦，走開走開，唔好阻住我睇電視。」
看著他在我的屋子裡把自己當成主人翁，我就感到有點不滿。
「係呢，你自己冇自己屋企咩？點解依三個月都住係依度住呀？」
「做咩呀？係咪見到靚女就想趕我走，驚我阻住你地二人世界呀？」
你明就好啦。
「我冇咁嘅意思，我剩係唔明你係度住咗咁耐都冇走返屋企，你冇父母咩？你唔駛見吓佢地。」
「我梗係有自己屋企啦，只係因為你昏迷同失憶，所以我先住係依度睇住你，費時咩事都冇人理。等你記返起全部耶，我自然會走。」
我真的有點期待這一天的來臨，至少可以單獨和姚加奈住在同一個屋苑，沒有第三者做電燈泡。
「我知你唸緊啲咩，你覺得我走咗之後冇咗我依個電燈膽你就有多啲時間同姚加奈獨處，之後可依溝到上手。但係我勸你省啲啦，佢連啲學霸都睇唔上，點會睇得上你依個女裝大佬呀。」
「世事難料喔，你唔可以咁樣斷定我冇機會。你知唔知姚加奈唸住做cosplay 直播？」我不滿地說到
「知道，佢早就同我講咗。」
「話你知，我依家係佢嘅經紀人，以後我會陪住佢做直播。她俾我做佢經紀人，證明她佢信任我，所以我肯定有機會將佢追到上手。」
「算吧啦你，唔好唸得咁天真啦，她只係當你工具人渣，唔係對你有好感。」
「唔好咁掃興好冇呀？近水樓台先得月呀嘛，見面見得多，你唔比日久生情啦。」
「你話係就係啦，咁你依家返黎做咩呀？你唔陪你條女多一陣？」
「我返黎睇吓屋企有冇衫可以攞俾佢，攞完我就返佢度，係呢你覺得咩衫啱她。我睇吓我衣櫃有冇。」
「我覺得第一次應該直播俾人一種清新嘅感覺，我覺得水手服應該係一個唔錯嘅選則。你之前買咗不少的水手服，你可以攞黎睇吓喔。」
我來到那個專門裝女性衣服的衣櫃面前。
說起來，我從昏迷醒過來這三個月從沒有打開那個衣櫃，裡面是怎樣的樣子我完全不知道。
我打開那個衣櫃，發現裡面有超多的的女性衣著，估計有超過五十件。無論是JK服，禮服，便服，甚至是cosplay專用衣服。那裏通通也有。只不過，那裏沒有一件是男性適合穿的。看來我當年真的很沈迷女裝。
我找到好幾件水手服，在經過幾番考量之後。覺得一件藍色水手服最為合適。和她白色的假髮完全沒有違和感。就像藍天白雲一樣，就如李倫說給人清新的感覺。
就這件吧，她應該會滿意。
我把那水手服妥妥摺好，關上衣櫃，走出客廳。李倫依舊躺在沙發上看電視，動也不動。
真不明白現今還有人會沈迷電視。
「你除咗睇電視，係咪就冇其他耶可以做啦？」我不滿地說
「我就係鍾意睇電視又點呀。」
還是這麼嘴臭。
「我先唔得閒理你呀，我大把時間同姚加奈一齊呀，你可能之後連吃飯都睇唔到我呀。」
「咁咪幾好，冇人係隔離嘈住哂。」