若你發現我未曾存在，你還會愛著我麼？: 5.女神擇偶標準
問我有沒有喜歡姚加奈，老實說我不能很肯定。我的確覺得她很美，想認識她，想跟她熟悉，但還沒到想過如何追求她，還沒有想過跟她之後的關係會怎樣。簡單一點來說就是你在街上看到一個陌生的美女，你會想與她搭話，但你不會去想像之後你們拍拖或結婚的生活。我現在完全沒有計畫如何取追她。
然而，如果你要說我對她一見鐘情我也不會否認。大哥，哪一個人看到這樣的女神會沒有感覺？如果有人在看到姚加奈卻沒有心動的話，我真的懷疑他們是否性冷感。
但我姚加奈的出現的確對我帶來挺大的衝擊。今天在相中看到她的樣子，我已經被她的外貌完全吸引，原來世界上還有這樣漂亮的女孩。現在還住在我旁邊，打亂了我對做回正常學生的計畫。現在除了努力讀書這目標外，我真的要想想如何和要姚加奈熟絡。
姚加奈見我沒說話，於是再問我一次：「點呀，係咪鍾意我呀？」
「冇啊········邊會呢？」
面對突如其來的提問，真讓我感到不知所措。不知如何回答。
「你確定？」
這姚加奈真的厲害，連人在想什麼也能看穿？還是只是女性的第六感較強？
此刻我慌了，我地確對她有感覺，但如果承認了就等於跟她表白，但我想不到理由她會答應。她拒絕我的話，尷尬事小，以後做不成朋友事大。
不過既然她這麼主動，那我也不管了，博一盤吧。
「就算我真係鍾意你又點呀？你依個人連高富帥也睇唔上，邊會睇得上我依個普通的護士生？」我小聲地說。
「哈哈，你怕醜個樣子真係好得意。睇嚟昏迷不單止令你失憶，仲令到你嘅性格都變埋，同你講呀，你之前對我一啲嘅興趣都冇。」姚加奈笑道。
之前的我到底是什麼奇怪的人？對著這樣的美女也不心動？
「啱啱你問我咩問題？呀係，我的嘅擇偶條件。其實你唔好唸到我咁難追啦，其實比起睇男仔有咩特質，我更加睇重男生鍾意我啲咩。」
「點解咁講？」
「因為係未來個男朋友點樣對我，取決於佢鍾意我啲咩。如果佢係因為嗰個原因而鍾意我，咁我都會因為嗰個原因而鍾意佢。那時候不需他表白，我也會自動表白。」
女神果然係女神，見解依舊是異於常人。到底姚加奈希望人們喜歡什麼呢？姚加奈實在太多優點，我完全想不到那個答案。我猜答案是不是喜歡她的性格內涵呢？
「咁你希望另一半因為咩鍾意你啲咩？」
「依個我就唔話俾你知，我亦都唔唸話俾其他人知。因為當依個秘密公開咗，啲人就會為咗迎合我而扮係因為嗰個原因鍾意我，咁我嘅擇偶條件就冇咗意義。」
「原來係咁。」
「係呢，你知唔知道點解我知道你鍾意我？雖然我只係識咗失憶嘅你一日。」
「係咪因為我嘅表情同行為很明顯暗示緊我鍾意你？」
「咁你就錯啦，因為好多同我表白過嘅男生都問過和你同樣嘅問題，就是“你鍾意啲咩類型嘅男仔”。你地真係以為我唔知你地係咩用意咩！有一次，我隨便講自己鍾意比較型嘅男仔，之後第二天，班入面有幾條友就染咗髮仲gel埋個頭。你地啲男仔問依一條問題無非都係想符合我想要嘅形象啫。」
我感歎姚加奈的感情經驗異常豐富，男生豎起一根汗毛，她也知道你在想什麼，同時我也感嘆自己原來和一搬的追求者沒有兩樣。
「我之所以唔話俾你地聽我嘅擇偶條件，係因為我怕你地為咗得到我的好感而扮因為嗰個原因而鍾意我，實質只係鍾意我個樣貌。我估你都係咁啦。」
她說的沒錯，我大概也是因為她美麗的外貌而對她一見鍾情，如果面前的只是一個普通女孩，我未必對她有任何好感。只因為別人的美貌而喜歡人家，說起來其實是有點羞恥。
不知姚加奈是否發覺我臉色有點難看，故此她說：「你唔使覺得尷尬喔·，人總係鍾意靚嘅嘢，所以你鍾意喔係正常。只不過我希望我未來嘅真命天子不是因為外貌先鍾意我。」
如果這句話是出自其他女生的話，人們會覺得她是自大自戀。但由於這句話是出自姚加奈，這讓人覺的她只是自信和有自知之明。她不說自己是全校數一數二的美女其實已經很謙虛了。
姚加奈拍了拍我的肩膀，我瞬間臉紅起來，她說到：「其實每個人，唔理有幾聰明，有幾蠢，有幾有錢，有幾窮。只要佢達到我個標準，我就自然會愛上佢。」
「但係點知道嗰個人係因爲嗰個原因而鍾意你？」
「依層我當然有辦法啦，唔使你擔心。」姚加奈笑道。
一個女神會想別人喜歡自己什麼，這大概是我三個月來最難解答的東西，但至少我肯定不是什麼表面的特質。
「係呢，其實你放棄醫科之後唸住進修啲咩。」
其實我很有興趣知道她在在未來打算幹甚麼大事業。
「冇啊，所以依家嘅我係自由身。」
「所以你唔唸住再讀書啦？」我驚訝地問道。
「你咁講又冇錯嘅，但係點解你好似咁驚訝嘅？」
「我真係估唔到一個學霸會放棄學業，我仲以為你會為咗自己嘅夢想而去進修另一個學科。」
「乜追夢一定要讀書咩？而且識讀書唔等於鍾意讀書，我咪就係啲咁嘅人囉。」
她說的沒錯，的確有不少的頂尖學術份子也是在大學學習期間中途退學，之後自己創業，最後成為絕無僅有成功人士。而我相信她一定成為這類的人。
「咁······你之後有咩打算？」我問道。
「依個就係我搵你嘅原因。我唸住做一個我一直夢寐以求嘅工。」
「所以究竟係咩？可唔可依唔好再賣關子呀？」我苦笑道。
「我想做直播主，仲要係玩cosplay 嘅直播主。」
「吓·········？」