不能愛上的星級女神2: 番外5 — 終極魔王

且說關語芯和萬若嵐的「狼羊物語」在娛樂圈和中上流玩樂圈子正傳得沸沸揚揚，始終作為風頭躉的「魔王」關語芯公開收山，在兩邊來說也等同地震海嘯，最震撼的莫過於是收山的對象居然是圈中的「小白兔」萬若嵐。詩姐和公關團隊為了這件，幾乎已做好萬全的準備，但他們還是很怕關語芯。

這天關語芯請了我、Candice、若嵐、詩姐和Hilary經理人家儀姐到她家吃晚飯聊天。
「Hilary、海昕，唔好介意詩姐直接……」未開飯詩姐已經愁得自斟一杯，繼續說：「家姐最擔心嘅事情都係發生咗……家姐…會盡力幫你地，但萬海昕，你真係要好好執生……」她又轉頭望向一臉輕鬆的家儀姐，對她說：「家儀，今次我真係要好好向你請教。」家儀姐是個三十中左右的短髮女性打扮女生，亦是關語芯的表姐。我們也禁不住笑了，家儀也邊搖頭邊笑：「詩姐我明。我呢個表妹確實好難搞架，佢以前除咗自己，咩人都唔信。佢咩都夠膽玩，除咗女人～」Hilary耳朵也紅了，若嵐一副迷戀的樣子拓著腮子望向她。
「不過你放心，自從遇到你個妹之後，呢隻野就終於有死穴啦！」
「其實初頭真係覺得呢啲大纜都扯唔埋，但係我後尾諗返，呢個關語芯之前每次若嵐同人曖昧都會喺度八卦，我已經覺得好奇怪。又唔見佢八卦其他女仔…」Candice 用特別的目光望向她倆，若嵐貼著Hilary，Hilary 握著她手望向她。若嵐補充：「呢條友仔係成日draw我attention 先啱！但又一直唔敢再同人建立親密關係。其實都要多謝瑾瑜，令佢對人有返信任～」……

飯後，詩姐和家儀姐先行離開，剩下我們四人密聊。

「若嵐，你真係唔驚俾傳媒寫到你同Hilary嘅野？」我繞着Candice的腰問。Hilary從後抱緊若嵐，在腰間握著手非常甜蜜，若嵐說：「我唔知啊，交俾我家姐處理啦～不過我同Hilary會小心啲～係咪呀芯豬？」




「係！老婆仔～」關語芯瞬間變成老婆奴。
「頂你兩個唔順啊！」Candice靠向我，也與我十指緊扣。
「你仲未講喎關語芯！你一早就已經中意萬若嵐架拿？」我八卦一問。Hilary又再害羞起來，若嵐居然也笑而不語。
「又話唔鍾意人類，關語芯，你有咩解釋？」我反問她。Hilary微笑望向若嵐說：「因為萬海昕特別唔一樣。特別係Asther件事令我諗起俾人背叛嘅事，我唔希望佢好似我咁。」
「關語芯～～」若嵐回望她雙手繞在她頸後，輕吻了她一口。聽到這裏，我和Candice也拍一拍Hilary的肩，笑說：「以後仲有我哋back up～」她由心而發的笑容，和以前相當不一，亦希望她不用再為難自己，可以做舒服的自己吧！

題外話，我回到家中，想着想着，想起當初Hilary對我和Candice的態度。她或者，或多或少有意玩我們，說不定她是知道我們和若嵐那時的三角關係，故意想為若嵐報仇⋯⋯

雖然已經過去了，但想到這點，有點細思極恐，還是不要少看這個人稱「魔王」的關語芯，在想什麼……